Amreli News: અમરેલીના ખાંભામાં 7 ગામડાઓને પીવાનું પાણી પુરૂ પાડતી ટાંકી થઈ જમીનદોસ્ત

અમરેલી ખાંભા તાલુકાના મોટા બારમણ ગામ નજીક મોટી દુર્ઘટના ટળી છે. નાગેશ્રી રોડ કાંઠે આવેલ પાણી પુરવઠા વિભાગની પાણી ભરેલી ટાંકી ધરાશય થતા અફડા તફડી મચી હતી. 7 ગામડા માટે 10 લાખ લીટર પીવાના પાણીની જર્જરિત ટાંકી અચાનક પડી ભારે ભીડ ત્યાં ઉમટી પડી હતી. લાખો લીટર પાણીનો વેડફાટ થતા ખાંભા નાગેશ્રી હાઇવે બંધ કરવા પડ્યો હતો.

પાણીની ટાકી અચાનક ધારાશાયી થતા મચી નાસભાગ

પાણીના વહેણમાં માર્ગ પર તૂટેલી ટાંકી અને બાંધકામ માર્ગો પર જોવા મળ્યા. ખાંભા પોલીસ, પાણી પુરવઠા વિભાગ ટીમ, ખાંભા મામલતદાર ઘટના સ્થળે પહોંચ્યા હતા. 20 વર્ષ પહેલા બનાવેલ પાણીની ટાકી અચાનક ધારાશાયી થતા નાસભાગ મચી છે. સદનસિબે કોઈ જાનહાની થઈ નથી. સાત ગામડાઓમાં વિતરણ કરવામાં આવતું પાણી ધડાકેભર ટાંકી તૂટતા પાણી અને પાણીની ટાંકીના અવશેષો વેરાયા રોડ પર જેના કરણે થઈ ભારે મુશ્કેલી.

ખાંભા નાગેશ્રી હાઇવે સંપૂર્ણ રીતે બંધ

20 વર્ષ પહેલા બનેલી આ 10 લાખ લીટર પાણીનું સંગ્રહ કરતી ટાંકી અચાનક ધરાશાયી થતા આજુબાજુના વિસ્તારમાં ભારે અફરા તફરી મચી. ટાંકી તૂટતાં આસપાસના 7 ગામડાઓ મુશ્કેલી વેઠવાનો વારો આવ્યો છે. હાલ ખાંભા નાગેશ્રી હાઇવે પર પાણી ફરી વળતા આ હાઈવે સંપૂર્ણ રીતે બંધ કરવાની ફરજ પડી છે. આ સાથે પાણી પુરવઠા વિભાગની ટીમ દોડતી થઈ છે, તેમજ ખાંભા મામલતદાર અને ખાંભા પોલીસે આગળની કામગીરી હાથધરી છે.