Banaskantha News: પાલનપુરના બાદરપુરા ગામમાં યુવકે હાથમાં છરી લઇ મચાવ્યો આતંક

પાલનપુરના બાદરપુરા ગામની ઘટના આવી સામે. ખુલ્લેઆમ છરો લઈ આતંક મચાવનાર શખ્સ અન્ય શખ્સને મારવા જતા CCTV કેમેરામાં કેદ હતો. ભયભીત પરિવાર રજૂઆત કરવા કલેક્ટર કચેરીએ પહોંચ્યો હતો. કોઈ જુના ઝઘડાનો વેર કાઠવા માટે તે શખ્સ છરી લઈને મારવા આવ્યો હતો. માથાભારે ઈસમનું નામ મોહમ્મદ જુણકીયા હોવાનું આ પરિવાર દ્વારા જણાવવામાં આવ્યું હતું. મોહમ્મદ જુણકીયા નામના ઈસમનો છરા સાથેનો CCTV વિડિઓ સામે આવ્યો છે.

મહિલાના પતિ અને જેઠ પર કરાયો હુમલો

અગાઉ મકરુદાબેન જુણકીયાને મહંમદ જુણકીયા નામનો ઇસમ હેરાનગતિ કરતો હોવાથી તેને ઠપકો આપ્યો હતો. જેનો બદલો લેવા ઉશકેરાયેલા મહંમદ જુણકીયાએ પીડિત મહિલાના પતિ અને જેઠને છરા વડે મારવાની કરી કોશિશ કરી હોવાનો આક્ષેપ કરવામાં આવ્યો હતો. મહમદ જુણકીયા પીડિત મહિલાનો પહેલો પતિ હતો. ગઢ પોલીસ મથકે ફરિયાદ કરવા ગયેલા મહિલાની ગઢ પોલીસે ફરિયાદ ન લીધીના મહિલાએ આક્ષેપ કર્યો છે.

મહમદ જુણકીયા સામે પોલીસમાં નોંધાઇ ફરિયાદ

ગઢ પોલીસે ફરિયાદ ન લેતા પરિવાર કલેક્ટર કચેરીએ રજૂઆત કરવા પહોંચ્યું હતું. સરેઆમ છરી લઈને ફરતા યુવકથી ભયભીત થયેલું પરિવાર સુરક્ષાની માંગને લઈ કલેક્ટરને રજૂઆત કરી હતી. આ માથાભારે ઈસમ મોહમ્મદ જુણકીયા વિરુદ્ધ કડક પગલા ભરવામાં આવે તેવી માંગ પરિવાર દ્વારા કરવામાં આવી છે. અંતે પોલીસે ફરિયાદ નોંધી આગળની કાર્યવાહી હાથ ધરી છે.