Banaskantha: અંબાજી-દાંતા માર્ગ પર ઘાટીમાં અકસ્માત, ટ્રેલર પલટી જતા ડ્રાઇવરનું ઘટનાસ્થળે જ મોત

બનાસકાંઠાના અંબાજીમાં અકસ્માતમાં એકનું મોત થયું છે. અંબાજી-દાંતા માર્ગ ઉપર ઘાટીમાં અકસ્માત થયો હતો. ત્રિશુલિયા ઘાટી પર ટ્રેલર પલટી જતા અકસ્માત સર્જાયો હતો. અકસ્માતમાં ટ્રેલરના ડ્રાઇવરનું ઘટનાસ્થળે જ મોત થયું છે. બીજા અકસ્માતમાં ટ્રકે પોલીસની ગાડીને અડફેટે લીધી છે. ટ્રકની બ્રેક ફેલ થતા અકસ્માત સર્જાયો હતો. પોલીસ અને સ્થાનિક લોકોનો આબાદ બચાવ થયો છે.

અંબાજીમાં અકસ્માતમાં એકનું મોત 

અંબાજીથી દાંતા માર્ગ ઉપર ઘાટીમાં ગોજારા અકસ્માતમાં એકનું મોત થયું છે. એક જ માલિકના બે ટ્રેલરનો લોખંડના સરીયા ભરીને જતા સમયે આ અકસ્માત થયો હતો. ત્રિશુલિયાઘાટી ઉપર એક અકસ્માત બાદ બીજો અકસ્માત થયો હતો. વહેલી સવારે ત્રિશુલિયાઘાટી ઉપર એક ટ્રેલર પલટી ખાઈ ગયો હતો. જે ઘટના બાદ દાંતા પોલીસની ગાડી અને અંબાજી પોલીસની ગાડી ઘટના સ્થળે પહોંચી હતી.

ટ્રકે પોલીસની ગાડીને અડફેટે લીધી

ટ્રેલરમાંથી ફસાયેલા ડ્રાઇવરને મૃતદેહને મહામુસીબતથી બહાર કાઢવાની કામગીરી ચાલી રહી હતી ત્યારે અંબાજી તરફથી એક ટ્રેલર બીજું દાંતા તરફ જઈ રહ્યું હતું. તે ટ્રકની બ્રેક ફેલ થતાં બે પોલીસની ગાડીને અડફેટે લીધી હતી. હાજર પોલીસ અને સ્થાનિક લોકો જીવ બચાવીને ભાગ્યા હતા, આ ઘટનામાં પોલીસના વાહન પણ અકસ્માતનો ભોગ બન્યા છે. અવારનવાર ઘાટીમાં અકસ્માત થાય છે. એકનું મોત અને એક ગંભીર રીતે ઘયલ થતા તાત્કાલિક સારવાર અર્થે ખસેડાયા છે.