Banaskantha News : મહિલાઓની જાતીય સતામણી નિવારણને લઈ આંતરિક સમિતિની રચના કરવાની રહેશે

કામકાજના સ્થળે મહિલાઓની જાતીય સતામણી (નિવારણ, પ્રતિબંધ અને ફરિયાદ નિવારણ) અધિનિયમ, ૨૦૧૩ની કલમ ૪(૧) અનુસાર તમામ સરકારી / બિનસરકારી સંસ્થાઓ, ખાનગી એકમો, જાહેર સાહસો અને સ્વાયત સંસ્થાઓ, જ્યાં ૧૧ અથવા તેનાથી વધુ કર્મચારીઓ કાર્યરત હોય તેમના માટે આંતરિક સમિતિની રચના કરવાની કાયદાકીય જોગવાઈ રહેલી છે.

આંતરિક સમિતિની રચના કરીને તેની માહિતીની નકલ જિલ્લા નોડલ અધિકારીને મોકલવી

બનાસકાંઠા જિલ્લામાં પણ તમામ સરકારી કચેરીઓ, બિનસરકારી સંસ્થાઓ, ખાનગી એકમો, જાહેર સાહસો અને સ્વાયત સંસ્થાઓ કે જ્યાં ૧૧ અથવા તેનાથી વધુ કર્મચારીઓ કાર્યરત હોય તેમને આંતરિક સમિતિની રચના કરીને તેની માહિતીની નકલ જિલ્લા નોડલ અધિકારી તથા જિલ્લા મહિલા અને બાળ અધિકારી, બનાસકાંઠાને મોકલવાની રહેશે.

જ્યાં કર્મચારીઓની સંખ્યા ૧૧ કરતા ઓછી છે તેમને આંતરિક સમિતિની રચનાની કરવાની થતી નથી

બનાસકાંઠાની એવી સંસ્થાઓ જ્યાં કર્મચારીઓની સંખ્યા ૧૧ કરતા ઓછી છે તેમને આંતરિક સમિતિની રચનાની કરવાની થતી નથી પણ તેની માહિતીની જાણકારી [email protected] પર ઇ-મેઇલ દ્વારા આપવાની રહેશે. આ અધિનિયમ અંગે વધુ વિગતો અને આંતરિક સમિતિની રચના અંગેની માર્ગદર્શિકા માટે wcd.gujarat.gov.in વેબસાઇટ પર જોવા મળશે. આ અંગે વધુ માહિતી માટે જિલ્લા મહિલા અને બાળ અધિકારી કચેરી, બનાસકાંઠા ખાતે ફોન નંબર ૦૨૭૪૨-૨૬૧૦૦૦ પર સંપર્ક કરવા એક અખબારી યાદીમાં જણાવ્યું છે.