બનાસકાંઠા જિલ્લાના થરાદ તાલુકામાં દારૂની હેરાફેરીનો એક ચોંકાવનારો કિસ્સો સામે આવ્યો છે. રાણેસરી ગામ પાસે દારૂ ભરેલી એક કર પલટી ગઈ હતી. આ અકસ્માત ત્યારે થયો જ્યારે બૂટલેગરો રાજસ્થાનથી ગુજરાતમાં દારૂ ઘુસાડવાનો પ્રયાસ કરી રહ્યા હતા. તેઓ રાજસ્થાન બોર્ડરથી ગુજરાતમાં પ્રવેશવા માટે મુખ્ય રસ્તાનો ઉપયોગ કરીને રહ્યા હતા. આ દરમિયાન, કર ચાલકે કોઈ કારણોસર વાહન પરનો કાબૂ ગૂમાવ્યો અને કાર પલટી મારી ગઈ. આ ઘટનાએ બૂટલેગરો દ્વારા અપનાવવામાં આવતી દારૂની હેરાફેરીની પદ્ધતિઓનો પર્દાફાશ કર્યો છે.
અકસ્માત થતાં દારૂનો જથ્થો રોડ પર ઠલવાયો
કાર પલટી મારતા અંદર ભરેલો દારૂનો જથ્થો રસ્તા પર ઠલવાઈ ગયો હતો. કારમાં મોટા પ્રમાણમાં વિદેશી દારૂની બોટલો ભરેલી હતી. અકસ્માત બાદ બૂટલેગરો ત્યાંથી ફરાર થઇ ગયા હતા પરંતુ રસ્તા પર પડેલો દારૂનો જથ્થો કોઈને સ્થાનિકો અને રાહદારીઓ એકત્ર થઇ ગયા હતા. ઘટનાની જાણ થતાં જ પોલીસ તાત્કાલિક સ્થળ પહોંચી ગઈ હતી. પોલીસે દારૂનો જથ્થો કબજો કર્યો છે અને કારને પણ પોતાના કબજામાં લીધી છે. આ ઘટનાએ એ સાબિત કર્યું કે, બૂટલેગરો રાજસ્થાનથી ગુજરાતમાં દારૂ લાવવા માટે જોખમી અને ગુપ્ત રસ્તાઓનો ઉપયોગ કરી રહ્યા છે.
પોલીસે સમગ્ર મામલે તપાસ હાથ ધરી
અકસ્માત બાદ પોલીસ દ્વારા સમગ્ર મામલે તપાસ હાથ ધરવામાં આવી છે. પોલીસે કારના નંબર અને અન્ય પુરાવાઓને આધારે બૂટલેગરોને શોધવાની તજવીજ શરૂ કરી છે. પોલીસે ગુપ્ત રસ્તાઓ પર પેટ્રોલિંગ વધારવાની પણ યોજના બનાવી છે, જેથી ભવિષ્યમાં આવી કોઈ ઘટના ન બને. આ અકસ્માત એ દર્શાવે છે કે પોલીસની સતર્કતા હોવા છતાં, બૂટલેગરો ગુજરાતમાં દારૂ ઘુસાડવા માટે નવા નવા પ્રયાસો કરી રહ્યા છે. પોલીસ આ મામલાની ગંભીરતાથી તપાસ કરી રહી છે અને ટૂંક સમયમાં આરોપીઓને પકડી પાડવાની આશા છે.
