Banaskantha: ભાભરમાં અંડર બ્રિજના ઉદ્ધાટન પહેલા પ્રોટેક્શન વોલ તૂટી, રેલવેના કામમાં ભષ્ટ્રાચાર થયાનો આક્ષેપ

ભાભરમાં અંડર બ્રિજની પ્રોટેક્શન વોલ ધરાશાયી થઈ છે. અંડર બ્રિજના ઉદ્ધાટન પહેલા પ્રોટેક્શન વોલ તૂટી ગઈ છે. કરોડોના ખર્ચે બનેલા અંડરબ્રિજમાં ભ્રષ્ટાચારના આક્ષેપ કરવામાં આવ્યો છે. અંડર બ્રિજની કામગીરી અંગે તપાસ થાય તેવી માગ કરવામાં આવી છે. બ્રિજમાં પણ અનેક જગ્યાએ તિરાડો પડી ગઈ છે. આ 12 કરોડના ખર્ચે અંડર બ્રિજનું કામ કરાયુ હતું.

ભાભરમાં અંડર બ્રિજની પ્રોટેક્શન વોલ ધરાશાયી

ભાભર ખડોસણ રેલ્વે ફાટક અંડર બ્રિજના ઉદ્ઘાટન પહેલા જ પ્રોટેક્શન દિવાલ ધરાશાયી થવાની ઘટના સામે આવી છે. કરોડોના ખર્ચે બનેલા રેલ્વે અંડર ગ્રાઉન્ડ બ્રિજના કામમાં ભષ્ટ્રાચારના આક્ષેપ કરવામાં આવ્યા છે. રેલવે અંડર બ્રિજ ખુલ્લો મુકવામાં આવે તે પહેલાં પ્રોટેક્શન દિવાલો પત્તાના મહેલની જેમ ધરાશાયી થઈ છે. રેલ્વે અંડર ગ્રાઉન્ડ બ્રીજનો પ્રોટેક્શનની દિવાલનો ભાગ તુટી જતા ઉચ્ચ ઉચ્ચકક્ષાએથી તપાસ થાય તેવી ખેડૂતોની માગ કરવામાં આવી છે.

12 કરોડના ખર્ચે અંડર બ્રિજનું કામ કરાયુ

બ્રિજની અનેક દિવાલોમાં તિરાડો પડી ગઈ છે. પહેલાં ચોમાસામાં રેલ્વે બ્રિજમાં પાણી છલોછલ ભરાઈ ગયું છે. અંડર બ્રિજમાં અન્ય જગ્યાએ પણ તિરાડો પડી છે. આ 12 કરોડના ખર્ચે તૈયાર થયેલા અંડર ગ્રાઉન્ડ બ્રિજનું કામ હજુ પુરૂં થયું નથી અને લોકોને અવરજવર માટે રસ્તો ખુલ્લો પણ મુકાયો નથી અને તુટવા લાગ્યો છે. રેલ્વે તંત્રનાં ઉચ્ચ અધિકારીઓ દ્વારા આવું હલકું કામ કરનાર કોન્ટ્રાકટર અને જવાબદાર રેલ્વેના અધિકારીઓ સામે શિક્ષાત્મક પગલાં લેવામાં આવે તેવી આ વિસ્તારમાં ખેડૂતોની માગ ઉઠી રહી છે.