ભાવનગરમાં રેલવે વિભાગમાં ચાલતા ભ્રષ્ટાચારનો પર્દાફાશ થયો છે. રેલવેના એક એન્જિનિયરને રૂપિયા 65 હજારની લાંચ લેતા એન્ટી કરપ્શન બ્યુરો (ACB) એ રંગેહાથ ઝડપી પડ્યો છે. આ કાર્યવાહી ભાવનગર રેલવેની DRM કચેરીમાં જ કરવામાં આવી હતી.


બિલ મંજૂર કરવા માંગી લાંચ

મળતી જાણકારી અનુસાર, ફરિયાદી એક કોન્ટ્રાક્ટર છે. તેમણે તેમના બિલ મંજૂર કરાવવા માટે રેલવેના એન્જિનિયર ટિપ્પે સ્વામી લક્કામા દાસરનો સંપર્ક કર્યો હતો. ત્યારે એન્જિનિયર દાસર દ્વારા બિલ મંજૂર કરવાના બદલામાં લાંચની માંગણી કરવામાં આવી હતી. લાંચ આપવા ન માંગતા ફરિયાદીએ આ મામલે ACB માં ફરિયાદ કરી હતી.

Also Read

આરોપી ટિપ્પે સ્વામી લક્કામા દાસરની ધરપકડ

ફરિયાદના આધારે ACB છટકું ગોઠવ્યું હતું. આજે, જયારે આરોપી અન્જિનિયર ટિપ્પે સ્વામી લક્કામા દાસર ભાવનગર રેલવેની DRM કચેરીમાં લાંચની રકમ સ્વીકારી રહ્યા હતા ત્યારે ACB ની ટીમે તેમને રંગેહાથ ઝડપી પડ્યા હતા. ACB એ આરોપી એન્જિનિયર ટિપ્પે સ્વામી લક્કામા દાસરની ધરપકડ કરી વધુ કાયદેસરની કાર્યવાહી હાથ ધરી છે. આ ઘટનાની રેલવે વિભાગમાં ખળભળાટ મચી ગયો છે.




  • Follow us on: