Bhavnagar News: નજીવી બોલાચાલીમાં યુવકની હત્યા કરી દેવાઈ, બચાવવા ગયેલા વ્યક્તિને ગંભીર ઈજા પહોંચી

ભાવનગરના પ્રેસ રોડ પર એક યુવકની હત્યા થઈ હોવાનો બનાવ સામે આવ્યો છે. રોહિત ઉર્ફે ગોપાલ બારૈયાની હત્યા થઈ હોવાની ઘટના સામે આવી છે. તીક્ષ્ણ હથિયારથી યુવકની હત્યા કરાઈ છે. સામાન્ય બોલાચાલીમાં હત્યા કરી દેવાઈ હોવાનું જાણવા મળ્યું છે. યુવકને બચાવવા માટે વચ્ચે પડેલા વ્યક્તિને પણ ગંભીર ઈજા પહોંચી હતી. ઈજાગ્રસ્તને સારવાર અર્થે ખસેડાયો છે.

શહેરમાં વધુ એક હત્યાનો બનાવ સામે આવ્યો

પ્રાપ્ત વિગતો પ્રમાણે ભાવનગર શહેરમાં વધુ એક હત્યાનો બનાવ સામે આવ્યો છે. શહેરના પ્રેસ રોડ નજીક આવેલા ભૂતડાના કારખાના નજીક એક યુવકની હત્યા કરવાનો બનાવ સામે આવ્યો છે. તીક્ષ્ણ હથિયારથી સામાન્ય બોલાચાલીમાં જ રોહિત ઉર્ફે ગોપાલ બારૈયા નામના યુવકની હત્યા કરાઈ છે. નજીવી બોલાચાલી થતાં મામલો હત્યામાં પરિણમ્યો છે. ઘટનાની જાણ થતાં જ પોલીસ દોડી ગઈ હતી.

બબાલમાં વચ્ચે પડેલા એક વ્યક્તિને પણ ગંભીર ઈજા પહોંચી

ઘટના સ્થળે લોકોના ટોળે ટોળા એક્ઠા થયા હતાં. બબાલમાં વચ્ચે પડેલા એક વ્યક્તિને પણ ગંભીર ઈજા પહોંચી હતી. તેને સારવાર માટે 108 મારફતે હોસ્પિટલ ખસેડવામાં આવ્યો હતો. ભાવનગરની સર ટી હોસ્પિટલ પાસે પણ લોકોના ટોળે ટોળા ભેગા થયા હતાં. ઘટનાની જાણ થતાં જ સીટી ડિવાયએસપી, એલસીબી, ગંગાજળીયા પોલીસ મથકના પીઆઇ સહિતનો પોલીસ કાફલો સિવિલ હોસ્પિટલ ખાતે ખસેડવામાં આવ્યો હતો.