Bhavanagar : HCG હોસ્પિટલ સામે મોટી કાર્યવાહી, દંડ ભર્યા વગર PMJAY યોજના ફરી શરુ કરી દીધી

ભાવનગર શહેરની ખાનગી હોસ્પિટલ HCG હોસ્પિટલ દ્વારા કરોડો રૂપિયાના કૌભાંડની આશંકાને લઈને કરોડો રૂપિયાનો દંડ ફટકારવામાં આવ્યો છે. શહેરની ખાનગી એચસીજી હોસ્પિટલને 7,22,90,205 રૂપિયાનો દંડ ફટકારવામાં આવ્યો છે. PMJAY યોજના અંતર્ગત 2 દર્દી પાસેથી સરકારના પત્રમાં ઉલ્લેખ કરાયા મુજબ 6,000 અને 19,000 રૂપિયાનો ચાર્જ વસૂલવામાં આવ્યો છે.

યોજનામાંથી હોસ્પિટલને સસ્પેન્ડ કરવામાં આવી હતી

તેમજ હોસ્પિટલના કેસનું એનાલિસિસ કરાતા 39 કેસમાં અપ કોડિંગ જોવા મળ્યું છે. આ સાથે જ હોસ્પિટલમાં ઉપલબ્ધ રેડીએશન મશીનમાં સીબીસીટી શક્ય ન હોવાથી તારીખ 11-07- 2023થી 21-05-2024 દરમિયાન હોસ્પિટલ દ્વારા મૂકવામાં આવેલા રેડિયેશનના કુલ 996 કેસમાંથી 443 કેસો કે જેના સરકાર દ્વારા પેકેજ કોડ આપવામાં આવેલા હતા તે મશીન દ્વારા સારવાર આપી શકાય નહીં, જેને લઈને હોસ્પિટલ દ્વારા પેનલ્ટીની રકમ કરવામાં આવી ન હોય માટે તારીખ 29-07ના રોજ હોસ્પિટલને સસ્પેન્ડ કરવામાં આવી હતી.

ગણતરીના કલાકોમાં જ યોજના ફરી શરુ કરી દેવાઈ

પરંતુ આશ્ચર્યની વાત તો એ છે કે કરોડો રૂપિયાનો દંડ કર્યો, જે દંડની રકમ પણ ભરવામાં આવી નથી અને તેમ છતાં PMJAY યોજના માત્ર ગણતરીની કલાકોમાં ફરી શરૂ કરી દેવામાં આવી છે. સરકારની યોજનામાં મોટાપાયે ગફલત થઈ હોવાની આશંકાને લઈ ભાવનગરની એચ.સી.જી હોસ્પિટલ ઉપર આ મોટી કાર્યવાહી કરવામાં આવી છે. જો સરકાર દ્વારા આની તપાસ કરવામાં આવે તો અન્ય પણ મોટા કૌભાંડ બહાર આવવાની શક્યતાઓ રહેલી છે.