ભાવનગરમાં એક અજીબ કિસ્સો સામે આવતા પરિવારજનોની સાથે તબીબો પણ ચોંકી ઉઠ્યા છે. આ વાત છે માત્ર 5 વર્ષના બાળકની. કે જેના કાનમાં એક નહીં પણ 15 જેટલા વંદાઓ હતા. ફક્ત 5 વર્ષના બાળક સાથે થયેલી આ ઘટના આશ્ચર્ય ઉભુ કરે તેવી છે. કારણ કે કાન જેવી નાજુક જગ્યામાંથી આટલા બધા વંદા નિકળવા એ તપાસનો વિષય છે. ભાવનગર જિલ્લાના સિહોર તાલુકાના ચોરવડલા ગામમાં આ આશ્ચર્યજનક ઘટના બની છે.


બાળકના કાનમાંથી વંદા નિકળ્યા

ભાવનગર જિલ્લામાં પાંચ વર્ષના બાળક સાથે આશ્ચર્યચકિત કરે એવો બનાવ બન્યો છે. સિહોર તાલુકાના ચોરવડલા ગામમાં રહેતા 5 વર્ષના બાળકના કાનમાંથી વંદા અને તેના બચ્ચા બહાર કાઢવામાં આવ્યા છે. 5 વર્ષનું બાળક કાનમાં થતા દુઃખાવાના કારણે પીડાતું હતુ. બાદમાં બાળકને તબીબ પાસે લઇ જવામાં આવ્યુ હતુ. બાળક સાથે પરિવાર સણોસરા ગામની ખાનગી હોસ્પિટલમાં પહોંચ્યું હતું. જ્યાં તેની સારવાર શ રુ કરવામાં આવી હતી. સારવાર દરમિયાન રાહુલ પરમાર નામના ડોક્ટરે 15 જેટલા વંદા બાળકના કાનમાંથી બહાર કાઢ્યા હતા.

Also Read

તબીબો માટે તપાસનો વિષય

થોડા દિવસ અગાઉ અમરેલીમાં પણ આવો કિસ્સો સામે આવ્યો હતો. જેમાં 8 વર્ષના બાળકના આંખની પાંપણોમાંથી જૂ કાઢવામાં આવી હતી. તેની પાંપણમાં જૂ અને તેના ઇંડા ફસાયા હતા. બાળકને આંખમાં ખંજવાળ આવતા તેને તબીબ પાસે લઇ જવામાં આવ્યો હતો. અને તેની સારવાર શરુ કરવામાં આવી હતી. આ સારવાર બાદ તેને રાહત થઇ હતી. બાળકો સાથે થઇ રહેલા આ અજીબ કિસ્સાઓ તબીબો માટે તપાસનો વિષય બન્યા છે. 

  • Follow us on: