ભાવનગરમાં વરસાદ પડતા રસ્તાઓ પર પાણી ભરાયુ છે. ભારે વરસાદના કારણે ખેડૂતોમાં ખુશી જોવા મળી રહી છે. વાતાવરણમાં ઠંડક પ્રસરતા સ્થાનિકોને ગરમીથી રાહત મળી છે. સત્તાવાર ચોમાસાની શરુઆત થતા નદીઓ અને નાળાંઓ છલકાયા છે. નવા નીરનું આગમન થતા ખેડૂતો ખુશ છે. પાણીની આવક વધતા ડેમની જળ સપાટી વધી રહી છે. રસ્તાઓ પર પાણી ભરાતા વાહન ચાલકો પરેશાન થયા છે.


પાણી ભરાતા વાહન ચાલકોને મુશ્કેલી

ભાવનગરના સિહોરના ટાણા ગામનું તળાવ છલકાયું છે. ભારે વરસાદના કારણે પૂરની સ્થિતિ પેદા થઇ છે. નવા નીરથી નદીઓ બંને કાંઠે વહેતી થઇ છે. ઘોડાપૂરને કારણે ભાવનગર પંથકમાં નદીઓ છલકાઇ છે. સિહોરથી ટાણા રોડ ઉપર જતાં વાહન ચાલકો મુશ્કેલીઓનો સામનો કરી રહ્યા છે. આગામી 5 દિવસ રાજ્યમાં ભારે વરસાદની આગાહી કરવામાં આવી છે. અહીંનુ તળાવ છલકાતા ઘૂટણસમા પાણી રસ્તા પર ભરાયા છે. સુરકાના દરવાજા પાસે વાહન ચાલકો મુશ્કેલીનો સામનો કરી રહ્યા છે.

Also Read

વરસાદની આગાહી

ભાવનગર તથા આસપાસના વિસ્તારો પાણી-પાણી થતા જોવા મળ્યા છે. વરસાદના કારણે ખેતરો લહેરાયા છે. તો સાથે જ ખેડૂતો નવા પાકની વાવણી માટે તૈયારીઓ કરી રહ્યા છે. ગામડાઓમાં વરસાદી માહોલ સર્જાતા સુંદર દ્રશ્યો સર્જાયા હતા. વરસાદી વાતાવરણમાં કુદરતી સૌંદર્ય ખીલી ઉઠ્યુ હતુ. 

  • Follow us on: