Bhavnagar : રાજ્ય આરોગ્ય મહાસંઘના પ્રમુખ રણજીત મોરીને તોડકાંડ મામલે કરાયા સસ્પેન્ડ, જિલ્લા આરોગ્ય વિભાગમાં ઘેરા પ્રત્યાઘાત

ભાવનગર આરોગ્ય વિભાગે રણજીત મોરીને સસ્પેન્ડ કર્યા. ચોટીલામાં નકલી પોલીસ બનીને તોડ કરવા ગયેલ આરોગ્ય કર્મચારીના મામલે રણજીત મોરી સામે આ કાર્યવાહી કરવામાં આવી. રણજીત મોરી કે જેઓ રાજ્ય આરોગ્ય મહાસંઘના પ્રમુખ છે તેમના પર આક્ષેપ કરાયો હતો કે ચોટીલામાં ડોક્ટરનું અપહરણ કરી ખંડણી માગી હતી. જેના બાદ ચોટીલા પોલીસે રણજીત મોરીની ધરપકડ કરી હતી.

રણજીત મોરીને સસ્પેન્ડ કરાયા

ત્યારબાદ આરોગ્ય વિભાગ દ્વારા ખાતાકીય કાર્યવાહી કરતા રાજ્ય આરોગ્ય પ્રમુખ રણજીત મોરીને સસ્પેન્ડ કરાયા. આરોગ્ય પ્રમુખની હકાલપટ્ટી કરાતા જિલ્લા આરોગ્ય વિભાગમાં ધમસાણ મચ્યું. આરોગ્ય કર્મચારી અને આરોગ્ય મહાસંઘના પ્રમુખ ને સસ્પેન્ડ કરવામાં આવતા આરોગ્ય વિભાગમાં ઘેરા પડઘા પડ્યા. રણજીત મોરીના સમર્થકોએ કહ્યું કે આ રાજનીતિ દાવ ખેલવામાં આવ્યો છે. મહાસંઘ પ્રમુખને ફસાવવામાં આવી રહ્યા છે. તોડકાંડની ફરિયાદ ખોટી હોવાના રણજીત મોરીના સમર્થકો કહી રહ્યા છે.

ભાવનગરના DDOની કાર્યવાહી

નોંધનીય છે કે ભાવનગરમાં જિલ્લા પંચાયતના આરોગ્ય કર્મચારી અને આરોગ્ય કર્મચારી મહાસંઘના પ્રમુખ અને અન્ય એક વ્યક્તિ સામે તોડકાંડ મામલે ગુનોં નોંધાયો હતો. ચોટીલા ખાતે આવેલ એક હોસ્પિટલમાં નકલી SOG કર્મચારી હોવાનું જણાવી મહિલા સંચાલક પાસે 40 લાખ રૂપિયાની ખંડણી માગી હતી. મહિલાના પુત્રએ ચોટીલા ખાતે તોડકાંડ મામલે ફરિયાદ નોંધાવી હતી. જેના બાદ રણજીતસિંહ મોરી અને અન્ય એક વ્યક્તિ સામે ફરીયાદ દાખલ થતા ભાવનગરના DDOએ આરોગ્ય વિભાગના કર્મચારીને સસ્પેન્ડ કર્યા.