બરવાળામાં અસામાજિક પ્રવૃત્તિઓ પર અંકુશ લાવવા માટે પોલીસે કડક કાર્યવાહી હાથ ધરી છે. બરવાળા પોલીસ ઇન્સ્પેકટર એન.વી. વસાવા, પોલીસ સબ ઇન્સ્પેકટર સરવૈયા અને પોલીસની ટીમ દ્વારા PGVCL, નગરપાલિકા અને તાલુકા પંચાયતના કર્મચારીઓને સાથે રાખીને શહેર અને તાલુકામાં સઘન તપાસ અભિયાન ચલાવવમાં આવ્યું છે.


અસામાજિક તત્વોના ઘરના વીજ જોડાણ કપાયા

પોલીસે પ્રથમ તબક્કામાં દારૂ, જુગાર અને મારામારી જેવી અસામાજિક પ્રવૃતિઓમાં સંડોવાયેલા 10 શંકાસ્પદ લોકોની યાદી તૈયાર કરી હતી. આ યાદીમાં સમાવિસ્ટ લોકોના ઘરે બરવાળા શહેરમાં તપાસ દરમિયાન PGVCL ની ટીમ સાથે રાખીને ગેરકાયદે વીજ જોડાણ શોધી કાઢીને કાપી નાખવામાં આવ્યા હતા. આ ઉપરાંત બરવાળા પોલીસે અસામાજિક પ્રવૃત્તિઓ કરતા લોકોએ સરકારી જમીનો પર કરેલા દબાણો અંગે સર્વે હાથ ધર્યો હતો. તેમજ આવા લોકોએ બેન્કો સાથે કોઈ છેતરપિંડી કરી છે કે નહીં તે અંગેની પણ માહિતી મેળવવામાં આવી હતી.

Also Read

પોલીસ અધિકારીનું નિવેદન

પોલીસ અધિકારી વસાવાએ જણાવ્યું હતું કે, આ કાર્યવાહીનો મુખ્ય હેતુ બરવાળા શહેર અને તાલુકામાંથી અસામાજિક પ્રવૃતિઓને સંપૂર્ણપણે નાબૂદ કરવાનો છે. તેમણે ભારપૂર્વક જણાવ્યું હતું કે, આવી પ્રવૃતિઓ સામે આગામી દિવસોમાં પણ કડક કાર્યવાહી સતત ચાલુ રહેશે. આ ઝુંબેશથી સ્થાનિક કાયદો અને વ્યવસ્થાની સ્થિતિ સુધારવામાં મદદ મળશે તેવી અપેક્ષા છે.


  • Follow us on: