અમદાવાદ વિસ્તાર દિવસેને દિવસે વધુ વિસ્તૃત થઈ રહ્યો છે. શહેર વિકાસભણી દોટ મૂકી રહ્યું છે. ત્યારે કેટલાક લોકો પોતાનું નસીબ અજમાવવા શહેરમાં વસવાટ કરવા આવે છે. શહેરની નજી ધોળકામાં પણ એક પરિવાર મજૂરી કરી ગુજરાન ચલાવે છે. આ પરિવારની બાળકી રહસ્યમય રીતે ગુમ થઈ હતી. માતાપિતાને શંકા છે કે તેમની બાળકીને કોઈ ઉપાડી ગયું છે. જેને લઈને તેમણે પોલીસમાં બાળકી ગુમ થયાની ફરિયાદ કરી હતી.


2 મહિલા સહિત 4ની ધરપકડ 

માતાપિતાની ફરિયાદના પગલે પોલીસે આ ઘટનામાં તપાસ હાથ ધરી. પરિવાર જ્યાં રહે છે તે વિસ્તારના સીસીટીવી ચેક કર્યા તેમજ અન્ય લોકોની પૂછપરછ કરતાં ચોંકાવનારી વિગત સામે આવી. ધોળકામાં બાળકી ગુમ થયા મામલે સામે આવ્યું કે તેનું ઇરાદાપૂર્વક અપહરણ કરવામાં આવ્યું છે. માતા-પિતા સાથે સૂતેલ બાળકીને કેટલાક લોકો ઉપાડી ગયા હતા. આ લોકો બાળતસ્કરીના ગુનામાં સામેલ હોવાનું પોલીસ તપાસમાં ખુલ્યું. બાળકીના અપહરણ મામલે ગ્રામ્ય પોલીસે 2 મહિલા સહિત 4ની ધરપકડ કરી.

Also Read

પોલીસે બાળકીને છોડાવી

પોલીસે આરોપીને ઝડપી પાડી બાળકીને અપહરણકર્તાઓની ચુંગાલમાંથી છોડાવી. બાળકીનું અપહરણ કરનાર આરોપીઓને પોલીસે ઔરંગાબાદ પાસેથી ઝડપી લીધા. ત્યારબાદ આરોપીઓને અમદાવાદ લાવવાની તજવીજ હાથ ધરાઈ. પોલીસને આશંકા છે કે બાળકીને પણ અપહરણ કરી વેચી દેવામાં આવી હોઈ શકે. પોલીસે જે 4 આરોપીઓની ધરપકડ કરી તેમાંથી એક મહિલા નર્સ હોવાનું ખુલ્યું. અને આ મહિલા નર્સ તરીકે એક IVF સેન્ટરમાં કામ કરે છે. ઘટનાની મુખ્ય સૂત્રધાર આ મહિલા જ હોવાની પોલીસને આશંકા છે. પોલીસે 4 લોકોની અટકાયત કરી બાળતસ્કરી મામલે વધુ માહિતી પ્રાપ્ત કરી રહી છે.

  • Follow us on: