Ahmedabad News : અમદાવાદના અમરાઈવાડીમાં પ્રતિબંધિત ચલણી નોટો સાથે 5 યુવક ઝડપાયા, પોલીસે તપાસનો ધમધમાટ કર્યો શરૂ

અમદાવાદમાં પ્રતિબંધિત ચલણી નોટો સાથે પાંચ યુવક ઝડપાયા છે અને પ્રતિબંધિત 500ના દરની 400 ચલણી નોટો મળી આવી છે, અમરાઈવાડીના નાગરવેલ ચાર રસ્તા પાસેથી પાંચ યુવક ઝડપાયા છે અને અલગ-અલગ દરની 16.99 લાખની ચલણી નોટ મળી આવી છે, અમરાઇવાડી પોલીસે ગુનો નોંધી વધુ તપાસ હાથ ધરી છે. પોલીસે ચેકિંગ દરમિયાન આ યુવાનોને ઝડપી પાડયા છે, ચલણી નોટોનો ઉપયોગ શેમાં કરવાના હતા તે દિશામાં તપાસ શરૂ કરવામાં આવી છે.

પ્રતિબંધિત 500ના દરની 400 ચલણી નોટો મળી

અમદાવાદના અમરાઈવાડીમાં પ્રતિબંધિત ચલણી નોટો સાથે પાંચ યુવક ઝડપાતા પોલીસે તપાસનો ધમધમાટ શરૂ કર્યો છે. જે નોટોનો ઉપયોગ કરવામાં આવતો નથી તેવી નોટ ઝડપાતા પોલીસ પણ ચૌંકી ઉઠી હતી ત્યારે જોવાનું એ રહ્યું કે આ કેસમાં શું ખુલાસો થાય છે, હાલમાં પોલીસે ગુનો તો નોંધી લીધો છે પરંતુ મહત્વની વાત તો એ છે કે જે નોટ પ્રતિબંધિત છે તે નોટનો ઉપયોગ શેમાં કરવાનો હતો, કયાંક નકલી નોટ છાપવાના કૌંભાડમાં તો આ નોટ ઉપયોગમાં નથી લેવાની ને તે દિશામાં તપાસ શરૂ છે.

4 ઓકટોબરે અમદાવાદ ક્રાઈમ બ્રાન્ચે નકલી નોટ સાથે એકને ઝડપ્યો

અમદાવાદના નમન નામના વ્યકિતને અમદાવાદ ક્રાઈમ બ્રાન્ચે નકલી નોટ સાથે ઝડપી પાડયો હતો આ વ્યકિત પાસેથી 100 રૂપિયાના દરની 373 નોટ જપ્ત કરવામાં આવી હતી, જેની કિંમત 37,300 રૂપિયા થાય છે. આ બાબતે તપાસ કરતાં ક્રાઈમ બ્રાન્ચને જાણવા મળ્યું છે કે, અમને આ નકલી ચલણી નોટો સોશિયલ મીડિયા થકી નોઈડાથી મંગાવી હતી. ઝડપાયેલ યુવકને નોઈડાના અમન શર્મા સાથે ઈન્સ્ટાગ્રામ ઉપર સંપર્ક થયો હતો. તે પછી નકલી ચલણી નોટ અંગે વાતચીત થઈ હતી અને 9000 રૂપિયામાં 50000 રૂપિયાની નકલી ચલણી નોટોનો સોંદો થયો હતો.