અમદાવાદ શહેરમાં નાસતા ફરતા આરોપીઓને પકડી પાડવા માટે પોલીસ કમિશનર દ્વારા સૂચના આપવામાં આવી છે. જેને લઈને પોલીસ દ્વારા આ પ્રકારના આરોપીઓને પકડી પાડવા માટે સઘન કાર્યવાહી કરવામાં આવી છે. શહેરમાં ઝોન-7માં મિલકત સંબંધી અનડિટેક્ટ ગુનાઓ ઉકેલી નાંખવા માટે એલસીબી વાસણા પોલીસ સ્ટેશનના ત્રણ ગુનાઓમાં ફરાર થયેલા આરોપીઓને પકડવાની વોચમાં હતાં. જેમાં ગુજસીટોકના ગુનામાં ફરાર થયેલો આરોપી ઝડપાઈ ગયો હતો.
આરોપી ગુજસીટોકના ગુનામાં ફરાર હતો
અમદાવાદમાં શહેરમાં ઝોન-7 એલસીબી દ્વારા નાસતા ફરતા આરોપીઓને પકડી પાડવા માટે કાર્યવાહી શરૂ કરી હતી. આ દરમિયાન બાતમી મળી હતી કે, આરોપી હાલ દેત્રોજમાં છે. જેથી એલસીબીએ દેત્રોજ પોલીસને સાથે રાખીને વાસણા પોલીસના કૂલ ત્રણ ગુનામાં નાસતા ફરતા વોન્ટેડ આરોપીને દેત્રોજ ખાતેના બાતમી સ્થળેથી દબોચી લેવામાં આવ્યો હતો. આ આરોપી ગુજસીટોકના ગુનામાં ફરાર હતો.
