અમદાવાદના સોલા વિસ્તારમાંથી માનવતાને શરમાવે તેવી ઘટના સામે આવી છે. એક વિધર્મી યુવકે 17 વર્ષની સગીરાને વાત કરવાનું બહાનું બનાવી હોટલમાં બોલાવી તેની સાથે દુષ્કર્મ ગુજાર્યું. આરોપીએ એટલું જ નહીં, પરંતુ સગીરાના અંગત પળોનો વીડિયો બનાવી તેને વાયરલ કરવાની ધમકી આપી વારંવાર શારીરિક શોષણ કર્યું. હાલ સોલા પોલીસે આરોપીની ધરપકડ કરી વધુ તપાસ શરૂ કરી છે.
દુષ્કર્મ આચર્યું અને તેનો વીડિયો બનાવી લીધો
મળતી માહિતી મુજબ આરોપી સગીરાના પરિવારનો ઓળખીતો હતો. પિતાને શંકા જતા પરિવાર મકાન બદલી દીધું હતું, છતાં આરોપીએ સોશિયલ મીડિયા દ્વારા ફરી સગીરાનો સંપર્ક સાધ્યો. 3 સપ્ટેમ્બર 2025ના રોજ સોલામાં કોલેજમાં એડમિશન માટે આવેલી સગીરાને મળવા બોલાવી નવરંગપુરાની હોટલમાં લઈ જઈ તેની મરજી વિરુદ્ધ દુષ્કર્મ આચર્યું અને તેનો વીડિયો બનાવી લીધો હતો.
