દાંતામાં એક કરુણ ઘટના સામે આવી છે. જ્યાં અંબાજી નજીકના જંબેરા ગામે એક યુવતીની ઝાડ પર લટકતી લાશ મળી આવી છે. આ ઘટના બાદ સમગ્ર પંથકમાં ચકચાર મચી ગઈ છે. છેલ્લા ચાર દિવસમાં આ વિસ્તારમાં આ બીજી એવી ઘટના છે જેમાં મહિલાનો મૃતદેહ ઝાડ પર લટકતી હાલતમાં મળ્યો છે. મૃતક યુવતી આદિવાસી સમાજની છે અને તેની ઉંમર 19 વર્ષ હોવાનું પ્રાથમિક તપાસમાં બહાર આવ્યું છે.
જંબેરા ગામે યુવતીની ગળે ફાંસો ખાધેલી લાશ મળી
પોલીસની પ્રાથમિક તપાસ મુજબ યુવતીએ ઘરકંકાસથી કંટાળીને જીવન ટૂંકાવ્યું હોવાનું અનુમાન લગાવવામાં આવ્યું છે. આ મામલે વધુ ચોંકાવનારી વિગત એ છે કે આજે સવારે જ પરિવાર દ્વારા આ યુવતી ગઇકાલથી ગુમ હોવા અંગેની અરજી પોલીસ સ્ટેશનમાં આપવામાં આવી હતી અને આજે સાંજે જ તેની લાશ જંગલમાંથી મળી આવી હતી. ઘટનાની જાણ થતાં જ દાંતા પોલીસની ટીમ તાત્કાલિક સ્થળ પર પહોંચી હતી.
