ગુજરાતમાં દુષ્કર્મની ઘટનાઓ વધુ પ્રમાણમાં સામે આવી રહી છે. અમરેલીમાં પતિના સહકર્મીએ જ ઘરમાં ઘૂસીને બળજબરી પૂર્વક બળાત્કાર ગુજાર્યો હોવાનો આક્ષેપ કરવામાં આવ્યો છે. આ ઘટનામાં પોલીસે ફરિયાદ નહીં નોંધી આરોપીને છાવર્યો હોવાનો પણ આક્ષેપ કરવામાં આવ્યો છે.
યુવતીના પતિને કેસ ન કરવા અનેક આવારા તત્વોએ આપી ધમકી
પ્રાપ્ત વિગતો પ્રમાણે અમરેલીમાં પતિના સહકર્મીએ જ 22 વર્ષની યુવતી પર ઘરમા ઘૂસીને બળજબરી પૂર્વક બળાત્કાર ગુજાર્યો હોવાનો આક્ષેપ કર્યો છે. યુવતીના પતિએ પોલીસ સહિત ઉચ્ચ અધિકારીઓને ફરિયાદ આપી હોવા છતાં પોલીસ ફરિયાદ નહીં નોંધી આરોપીને છાવરવાનો પ્રયાસ કરતી હોવાનો આક્ષેપ કરાયો છે. પોલીસે હજી સુધી ફરિયાદ દાખલ કરી નથી. અસામાજિક તત્વોએ યુવતીના પતિને કેસ નહીં કરવા ધમકી આપી હોવાનો પણ આરોપ લગાવવામાં આવ્યો છે.
