કચ્છના અંજાર તાલુકાના મથડા ગામમાં ગઈકાલે બે જૂથ વચ્ચે થયેલી હિંસક મારામારીની ઘટનાએ ભારે ચકચાર મચાવી છે. આ મામલે અંજાર પોલીસ મથકે બંને પક્ષો દ્વારા સામ-સામે ફરિયાદ નોંધાવવામાં આવી છે. જેના આધારે પોલીસે કુલ 21 લોકો વિરુદ્ધ ગુનો દાખલ કર્યો છે. આ ઘટના મથડા ગામમાં કોઈ જૂની અદાવત કે અંગત ઝઘડાને કારણે બની હોવાનું જાણવા મળ્યું છે. બે જૂથના લોકોની એકબીજા સાથે બોલાચાલી થતા હિંસક મારામારી થઈ હતી અને ગામમાં તંગદિલીનો માહોલ સર્જાયો હતો.
બે જૂથોએ સામ-સામે નોંધાવી ફરિયાદ
આ ઘટનામાં કેટલાક લોકોને ઈજા પણ પહોંચી હતી. જોકે ગંભીર ઈજાઓ અંગે કોઈ સત્તાવાર માહિતી હજુ સુધી મળી નથી. ઘટનાની જાણ થતાં જ અંજાર પોલીસ તાત્કાલિક સ્થળ પર પહોંચી ગઈ હતી અને પરિસ્થિતિને કાબૂમાં લીધી હતી. પોલીસે બંને જૂથના આગેવાનો અને સામેલ લોકો સામે કડક કાર્યવાહી હાથ ધરી છે. આ મારામારીમાં સંડોવાયેલા 21 લોકો સામે IPCની વિવિધ કલમો હેઠળ ગુનો દાખલ કરવામાં આવ્યો છે.
