Banaskantha News: બે બાળકોને તરછોડી પ્રેમી સાથે ભાગેલી પરીણિતાને લઈ ભૂવાએ કરી ભવિષ્યવાણીનો વીડિયો વાયરલ

બનાસકાંઠામાં મમતાને લજવતો કિસ્સો સામે આવ્યો હતો. બે બાળકોની માતાએ પ્રેમી માટે બાળકોને તરછોડ્યા હતાં. બાળકોને તરછોડયાનો વીડિયો વાયરલ સામે આવ્યો હતો. પોલીસ મથકમાં બાળકો માતાને રડતાં રડતાં આજીજી કરતા રહ્યા પણ માતા બાળકોને હડસેલી પ્રેમી સાથે જતી રહી હતી.મકડાલા ગામે પરણિતા ગુમ થતા ફરિયાદ નોંધાઇ હતી.મહિલા કાંકરેજમાં પ્રેમી સાથે રહેતી હોવાનું સામે આવ્યું છે. પોલીસે મહિલા અને તેના પ્રેમીને વલસાડથી ઝડપ્યા હતા.પ્રેમીના પરિવારે મહિલાને દુલ્હનની જેમ વધાવી છે.મહિલા અને તેના પ્રેમી ઉપર લોકોએ ફિટકાર વરસાવી રહ્યા છે. ત્યારે એક ભૂવાએ આ મહિલા અંગે ભવિષ્યવાણી કરી છે.

મહિલાને લઇ જનારનું રમણભમણ કરવાની ચેતવણી

બનાસકાંઠામાં બાળકોને ત્યજીને પ્રેમી સાથે ફરાર થઈ જનાર માતા અંગે એક ભૂવાએ ભવિષ્ય વાણી કરી છે. ભૂવાએ આ મહિલાના પ્રેમીની જીંદગી રમણભમણ કરવાની ચેતવણી આપી છે. પ્રેમીની ઈલેક્ટ્રીકની દુકાનનું શટર પડાવી દેવાની પણ ભવિષ્યવાણી કરી છે. ભૂવાની ભવિષ્ય વાણી બાદ લોકોમાં અનેક તર્ક વિતર્ક સર્જાયા છે. ભૂવાએ ધૂણતા ધૂણતા કરેલી ભવિષ્યવાણીનો વીડિયો સોશિયલ મીડિયામાં વાયરલ થયો છે. ભૂવાએ ધૂણતા ધૂણતા કહ્યું હતું કે, બે છોકરોને રોતા મૂકીને તમારી વહુ લઈ ગયો છે તો હું એના ગોતડે બેસીને રમણભમણ ન કરું તો મારું નામ જહુ ઝોપડી નહિ.ભુવાજી કોણ અને ક્યાંનો છે તેમજ આ વીડિયો ક્યાંનો છે તે હજુ સ્પષ્ટ નથી થયું. સંદેશ ન્યૂઝ આ વાયરલ વીડિયોની પુષ્ટી કરતુ નથી.

પ્રેમી સાથે રહેવા મહિલાએ બાળકો-પતિને તરછોડ્યા

બનાસકાંઠામાં બે બાળકોની માતાએ પોતાના પ્રેમી માટે બાળકોને તરછોડયાનો વીડિયો વાયરલ થયો છે. પોલીસ મથકમાં જ બાળકો માતાને આજીજી કરતા રહ્યા અને માતાએ બાળકોને હડસેલી પ્રેમી સાથે જતી રહી હોવાની ઘટના સામે આવી છે. અઠવાડિયા પહેલા દિયોદરના મકડાલા ગામની પરણિત મહિલા ગુમ થતા તેના પતિએ નોંધાવી ફરિયાદ હતી.પોલીસે તપાસ કરતા મહિલા કાંકરેજના નાણોટા ગામના તેના પ્રેમી સાથે મૈત્રી કરાર કરી સાથે રહેતી હોવાનું સામે આવ્યું હતું. પોલીસે મહિલા અને તેના પ્રેમીને વલસાડથી ઝડપી પાડી પોલીસ મથકે લાવ્યા બાદ મહિલાના પરિવારને બોલાવ્યો હતો.