ગુજરાતમાં ચોરીની ઘટનાઓ સતત વધી રહી છે. સતત તરખાટ મચાવી રહેલા તસ્કરોને કારણે પોલીસ પણ દોડતી રહે છે. ત્યારે દ્વારકાના ભાણવડમાં સગા જમાઈએ જ સસરાના ઘરમાં ઘાડ પાડી હતી. જમાઈએ સસરાના ઘરમાં જઈને 10 લાખ રૂપિયાની ચોરી કરી હતી. પોલીસે ફરિયાદના આધારે વધુ તપાસ હાથ ધરી છે.


આંબાલિયારા ગામે જમાઇ 10 લાખની ચોરી કરી

પ્રાપ્ત વિગતો પ્રમાણે દ્વારકાના ભાણવડમાં સસરાના ઘરમાં સગા જમાઈએ ઘાડ પાડી હોવાનો બનાવ સામે આવ્યો છે. જમાઈને દેવુ વધી જતાં તેણે સસરાના ઘરમાં ચોરી કરી હતી. ભાણવડના આંબલિયારા ગામમાં રહેતા સસરાના મકાનમાં જઈને જમાઈએ રોકડા રૂપિયા અને સોનાના દાગીનાની ચોરી કરી હતી. ત્યાર બાદ તે ફરાર થઈ ગયો હતો.

Also Read

રોકડ અને સોનાના દાગીનાની ચોરી કરી જમાઇ ફરાર

દ્વારકાના ભાણવડના આંબલિયારા ગામમાં વાડી વિસ્તારમાં રહેતા સસરાના મકાનમાં જમાઈ જમ બનીને ઘૂસ્યો હતો. તેણે સાસરિયાઓને ઘેનનું પ્રવાહી પીણું પીવડાવીને ઘરમાંથી રોકડ પંદર હજાર સહિત સોનાના દાગીનાની ચોરી કરી હતી. જમાઈ પર દેવુ વધી જતાં તેણે સસરાના ઘરમાં જ ચોરી કરી હતી. ચોરી કરીને જમાઈ વહેલી સવારે ફરાર થઈ ગયો હતો. સસરાએ ચોરીની ફરિયાદ નોંધાવતા ભાણવડ સ્થાનિક પોલીસ એલ.સી.બી દ્વારા આરોપી જમાઈને પકડવા ચક્રો ગતિમાન કર્યા છે.

  • Follow us on: