ગુજરાતમાં ગાડીઓના સાયલેન્સર ચોરી થવાની અનેક ઘટનાઓ સામે આવતી હોય છે. ઈકો કારના સાયલેન્સરની ચોરીના બનાવો વધુ પ્રમાણમાં સામે આવી રહ્યાં છે. ત્યારે પાટનગર ગાંધીનગરમાં આ પ્રકારની ચોરીનો કેસ સામે આવ્યો છે. કારમાં આવેલા બે લોકોએ અન્ય કારમાંથી સાયલેન્સરની ચોરી કરી હોવાનો બનાવ બન્યો છે. સ્થાનિકોએ પોલીસમાં ફરિયાદ કરતાં પોલીસે વધુ તપાસ હાથ ધરી છે.
કારમાંથી સાયલેન્સરની ચોરીનો બનાવ સામે આવ્યો
ગાંધીનગર સેક્ટર-4માં કારમાંથી સાયલેન્સરની ચોરીનો બનાવ સામે આવ્યો છે. કારમાં આવેલા બે લોકોએ પાર્ક કરેલી કારમાંથી સાયલેન્સ કાઢીને નકલી સાયલેન્સર લગાવી દીધા હોવાનો બનાવ બનતાં ચકચાર મચી જવા પામી છે. ઓરિજિનલ સાયલેન્સર કાઢીને નકલી સાયલેન્સ ફીટ કરી ચોરી કરતી ગેંગ ગાંધીનગરમાં સક્રિય થતાં પોલીસને પડકાર ફેંક્યો હોય તેવી સ્થિતિ સર્જાઈ છે.
