ગુજરાત ATS દ્વારા તાજેતરમાં શેરથા પાસેથી ત્રણ આતંકીઓને ઝડપી પાડવામાં આવ્યા હતાં. આ ત્રણેય આતંકીઓની પુછપરછમાં અનેક ખુલાસા થયા હતાં. ત્યાર બાદ દિલ્હીમાં કાર બ્લાસ્ટ થયો અને તેમાં પણ આ ત્રણ આતંકીઓનું કનેક્શન હોવાનું સામે આવ્યું હતું. હવે ATS દ્વારા આ ત્રણેય આતંકીઓને કોર્ટમાં રજૂ કર્યા હતાં. અગાઉ કોર્ટે રિમાન્ડ મંજૂર કર્યા હતાં. પરંતુ હવે ATS દ્વારા આ વખતે કોઈ રિમાન્ડની માગ નહીં થતાં કોર્ટે આતંકીઓને જ્યુડિશિયલ કસ્ટડીમાં મોકલ્યા હતાં.
ગાંધીનગરમાંથી ત્રણ આતંકીઓને પકડ્યા હતાં
ગુજરાત ATS દ્વારા ગત 9 નવેમ્બરે ગાંધીનગરમાંથી ત્રણ આતંકીઓને પકડ્યા હતાં. આ ત્રણમાંથી એક આતંકી પાકિસ્તાનના કેટલાક લોકો સાથે સંપર્કમાં હતો. તે ISKP સંગઠનથી પ્રભાવિત હોવાનો પુછપરછમાં ઘટસ્ફોટ થયો હતો. આ ઉપરાંત ડો. અહેમદ મોયુદ્દિન મુળ હૈદરાબાદી છે અને ગુજરાતમા હથિયારો લેવા માટે આવ્યો હતો. જો કે હથિયારો લઈ તે રવાના થયા તે પહેલા જ ATSના હાથે ઝડપાઈ ગયો હતો.
