ગીર સોમનાથમાં પોલીસકર્મીને જ કોર્ટે સજા ફટકારી છે. દારુ સાથે પોલીસકર્મી ઝડપાયો હતો. જે વિદેશી દારુની હેરાફેરી કરી રહ્યો હતો. પોલીસ સામે ફરિયાદ નોંધાયા બાદ કોર્ટે આરોપીને સજાની સાથે દંડ ફટકાર્યો છે. વિદેશી દારૂની હેરાફેરી બદલ પોલીસ કર્મચારીને 3 મહિનાની કેદની સજા ફટકારવામાં આવી છે. અને સાથે જ 10 હજારનો દંડ પણ આપ્યો છે. 26 માર્ચ 2023ના કોડીનાર વેરાવળ નેશનલ હાઇવે પર આ પોલીસકર્મી ઝડપાયો હતો.


પોલીસ સામે જ કેસ!

રાજકોટના ધ્રોલ પોલીસ સ્ટેશનમાં ફરજ બજાવતા પરેશ નંદાણિયા નામના પોલીસ કર્મચારી સામે ફરિયાદ નોંધવામાં આવી હતી. આ આરોપી વિદેશી દારુની હેરાફેરી કરતો હતો. સુત્રાપાડા પોલીસે કારમાં વિદેશી દારૂ સાથે ઝડપી લઈ ગુન્હો દાખલ કરવામાં આવ્યો હતો. સરકારી વકીલની દલીલ અને પુરાવાના આધારે કોર્ટે તેને આરોપી ઠેરવ્યો હતો. પોલીસ કર્મચારીને દારૂના કેસમાં કોર્ટે સજા ફટકારતા ચકચાર જોવા મળી છે. આસપાસના વિસ્તારોમાં ચર્ચાનો દૌર શરુ થયો છે.

Also Read

પોલીસ બની ગુનેગાર

દારુ મામલે ગુજરાત ડ્રાય સ્ટેટ છે. અને અહીથી જ દારુ હેરાફેરીના કેસ પ્રકાશમાં આવે છે. અને ચોંકાવનારી વાત તો એ છે કે પોલીસ જ દારુની હેરાફેરી કરી રહી છે. જો પોલીસ જ પોતાના કાળા કામ કરતી હોય તે અન્ય ગુનેગારોને શું કહેવું. સામાન્ય જનતાને કેવી રીતે સુરક્ષા મળી રહી. દેસી-વિદેશી દારુની હેરાફેરીમાં પોલીસની સંડોવણી બહાર આવતા સમગ્ર પંથકમાં ચકચાર વ્યાપી છે. 

  • Follow us on: