જૂનાગઢ શહેરમાં ગુનાખોરીની ઘટનાઓ વધી રહી છે. દોલતપરા વિસ્તારમાં એક ગંભીર બનાવ સામે આવ્યો છે, જ્યાં એક યુવતીએ સગાઈ કરવાની ના પાડતાં તેના પ્રેમીએ તેના પર જીવલેણ હુમલો કર્યો હતો, રામદેવપરા વિસ્તારની રહેવાસી 21 વર્ષીય યુવતી નવા વર્ષના દિવસે બપોરે એક વાગ્યે તેના સંબંધીઓને મળીને મિત્રો સાથે પરત ફરી રહી હતી.
પોલીસે આરોપી યુવકની કરી ધરપકડ
સાંજે 5.30 વાગ્યાની આસપાસ, દોલતપરા માર્કેટિંગ યાર્ડ પાસે, આરોપી રુત્વીક સોલંકી અને તેનો મિત્ર બાઇક પર આવ્યા હતા અને આરોપી રુત્વીક સોલંકી સાથે યુવતીની સગાઈની વાતચીત ચાલતી હતી, પરંતુ યુવતીના પરિવારે સગાઈ કરવાની ના પાડી દીધી હતી. આ વાતનો ખાર રાખીને રુત્વીકે યુવતીને રોકી અને "તું મારી નહીં તો કોઈની નહીં" તેમજ "આજે તો તને પતાવી જ દેવી છે" કહી છરી વડે તેના પેટના ભાગે ગંભીર ઘા માર્યા હતા.
