મહેસાણાના બહુચરાજી પોલીસ સ્ટેશન વિસ્તારમાં શંખલપુર ગામમાં ઈનામી ડ્રો કૂપન દ્વારા છેતરપિંડી કરતી એક ગેંગનો પર્દાફાશ થયો છે. પોલીસને બાતમી મળતા જ હર હર મહાદેવ એન્ટરપ્રાઈઝ નામની ધમાકા ઓફરવાળી કૂપન આપીને લોકોને છેતરતા 6 ઈસમોને ઝડપી પાડવામાં આવ્યા છે.
કાર્ડ સ્ક્રેચ કરવાના બહાને લોકો સાથે કરતા હતા ઠગાઈ
આરોપીઓ લોકોને લોભામણી જાહેરાતો આપીને ઈનામી ડ્રોની કૂપન આપતા હતા. લોકોને સ્ક્રેચ કાર્ડ ઘસીને ઈનામ જીતવાની લાલચ આપીને તેમની સાથે છેતરપિંડી કરતા હતા. બહુચરાજી પોલીસે આ 6 આરોપીઓની ધરપકડ કરી છે અને તેમની પાસેથી ગુનામાં વપરાયેલી એક બલેનો ગાડી, રોકડા રૂ.7,700 અને 60 નંગ ઈનામી ડ્રો કૂપનો જપ્ત કરી છે.
