મોરબીમાં જમીન કૌભાંડમાં CID ક્રાઇમે કાર્યવાહી કરી છે. આ કેસમાં બે આરોપીઓની ધરપકડ કરી છે. ખોટા વારસદાર ઉભા કરીને કરોડોનું કૌભાંડ આચરવામાં આવ્યું છે. ખોટા ડોક્યુમેન્ટના આધારે કરોડોની જમીન પડાવી લીધી છે. સમગ્ર કેસમાં સીઆઈડી ક્રાઈમે આરોપીઓ સામે કાર્યવાહી શરૂ કરી છે. આરોપીઓને કોર્ટમાં રજૂ કરવામાં આવ્યા હતાં. કોર્ટે બંને આરોપીના પાંચ દિવસના રિમાન્ડ મંજૂર કર્યાં છે.


સમગ્ર કેસની તપાસ સીઆઈડી ક્રાઈમને સોંપવામાં આવી

મોરબીમાં વિવાદિત સર્વે નંબર 602માં જમીન કૌભાંડ આચરવામાં આવ્યું હોવાની ઘટના સામે આવી હતી. આરોપીઓએ ખોટા ડોકયુમેન્ટ ઉભા કરીને કરોડોની જમીન પડાવી લીધી હોવાનો બનાવ પ્રકાશમાં આવ્યો હતો. આ જમીનમાં ખોટા વારસદારો ઉભા કરીને જમીન પડાવી લેવાનું ષડયંત્ર રચવામાં આવ્યું છે. આ કેસમાં ફરિયાદ થયા બાદ સમગ્ર કેસની તપાસ સીઆઈડી ક્રાઈમને સોંપવામાં આવી છે.સીઆઈડી ક્રાઈમે હેતલ ભોરણિયા અને ભરત દેગામાની ધરપકડ કરી હતી. ત્યારબાદ બંનેને કોર્ટમાં રજૂ કરવામાં આવ્યા હતાં. કોર્ટે આઠમી તારીખ સુધીના પાંચ દિવસના રિમાન્ડ મંજૂર કર્યા છે.

Also Read

વધુ આરોપીઓને પકડવા ચક્રો ગતિમાન કરવામાં આવ્યા

સીઆઈડી ક્રાઈમે સમગ્ર કેસની તપાસમાં બે આરોપીઓની ધરપકડ કરી હતી. ઝડપાયેલા આરોપીઓને ડીવીઝન પોલીસ સ્ટેશન લવાયા હતાં. હજુ પણ આ કેસમાં વધુ આરોપીઓને પકડવા ચક્રો ગતિમાન કરવામાં આવ્યા છે. સુત્રો દ્વારા એવું પણ જાણવા મળ્યું છે કે, સીઆઈડીની તપાસ દરમિયાન બે આરોપીઓની ધરપકડ થતાં કેટલાક લોકો ભૂગર્ભમાં ઉતરી ગયાં છે.

  • Follow us on: