પ્રાંતિજના શહેર ભાજપ પ્રમુખ કુશવ બ્રહ્મભટ્ટ સામે આક્ષેપ લાગ્યા છે કે તે યુવતીને ભગાડી ગયો છે, યુવતીને બ્લેકમેલ કરીને ભગાડી ગયાનો પરિવારનો આક્ષેપ છે, યુવતીના પરિજનો સહિતના લોકો પ્રાંતિજ પોલીસ મથકે રજૂઆત કરવા માટે પહોંચ્યા છે, અને અમારી દીકરી પરત લાવો તેને લઈ માગ કરી છે.
યુવતી બે દિવસથી ગુમ છે
પ્રાંતિજ ભાજપના પ્રમુખ યુવતીની ભગાડીને લઈ ગયા હોવાનો આક્ષેપ કરવામાં આવ્યો છે, બે દિવસથી તેમની પુત્રી મળી આવી ન હતી જેના કારણે પરિજનોએ પોલીસ સ્ટેશનનો ઘેરાવો પણ કર્યો છે, પોલીસ યુવતીને શોધતી નથી તેવો આક્ષેપ પણ કરવામાં આવ્યો છે. તો પોલીસે આશ્વાસન આપ્યું છે કે તમારી દીકરીને શોધી લાવીશું, પણ પોલીસ ભાજપના આ પ્રમુખને શોધતી નથી તેવો આક્ષેપ કરવામાં આવ્યો છે, ત્યારે દીકરી પરત આવી જાય તેવી માગ પોલીસ સાથે આ પરિજનોએ કરી છે.
