રાજકોટના જસદણમાં વિંછીયાના હિંગોળગઢ નજીક હિટ એન્ડ રનની ઘટના બની છે જેમાં 2 લોકોના ઘટના સ્થળે મોત થયા છે, તો 15 જેટલા લોકો ઈજાગ્રસ્ત થયા છે, સાથે સાથે કાર ચાલકે યુવતીઓ અને મહિલાઓને અડફેટે લીધી છે, એક મહિલાને ગંભીર રીતે ઈજા પહોંચી છે, સાથે સાથે પોલીસે ઘટના સ્થળે પહોંચી તપાસ શરૂ કરી છે અને અજાણ્યા કાર ચાલક વિરુદ્ધ ગુનો નોંધીને તપાસ શરૂ કરી છે.
વિંછીયા ગામે કેટરસનું કામ કરવા માટે મહિલાઓ ગઈ હતી
વિંછીયાના હિંગોળગઢ નજીક હિટ એન્ડ રનની ઘટનામાં 11 જેટલી યુવતીઓ અને મહિલાઓ ઈજાગ્રસ્ત થઈ છે જેમાંથી 2 મહિલાના મોત 1 ને ગંભીર ઈજા પહોંચી છે, મહિલાઓ કેટરીંગનું કામ કરવા માટે ગઈ હતી અને કામ પતાવીને પરત ફરી રહી હતી તે દરમિયાન રિક્ષામાંથી તેઓ ઢાળ હોવાથી નીચે ઉતરી ગઈ અને તે દરમિયાન ફુલ સ્પીડે આવી રહેલી કારે મહિલાઓને અડફેટે લીધી હતી, અને અકસ્માત સર્જી કાર ચાલક ફરાર થયો હતો, સ્થાનિકોએ મહિલાઓને તાત્કાલિક સારવાર માટે હોસ્પિટલ ખસેડી હતી અને પોલીસે તપાસનો ધમધમાટ શરૂ કર્યો હતો.
