રાજકોટના ગોંડલમાં પૂર્વ ધારાસભ્યના પુત્ર સામે 52 લાખની ઠગાઈની ફરિયાદ નોંધાઈ છે. રોડ સહિતના કામો બતાવીને નાણાંનો દુરુપયોગ કરી લાખો રૂપિયાની છેતરપિંડી આચરી હોવાની ગોંડલ તાલુકા વિકાસ અધિકારીએ ફરિયાદ નોંધાવી છે. જેની સામે ફરિયાદ કરવામાં આવી છે તે કોટડાસાંગાણીના ઉપ સરપંચ છે.
ગોંડલમાં પૂર્વ MLAના પુત્ર સામે સામે ફરિયાદ
પ્રાપ્ત વિગતો પ્રમાણે ગોંડલના પૂર્વ ધારાસભ્ય ચંદુભાઈ વઘાસીયાના પુત્ર ધવલ વઘાસિયા સામે તાલુકા વિકાસ અધિકારીએ છેતરપિંડીની ફરિયાદ નોંધાવી છે. ખુદ અધિકારીએ ફરિયાદ કરતાં સમગ્ર તાલુકામાં ચકચાર મચી જવા પામી છે. ધવલ વઘાસિયા સામે રોડ સહિતના કામો બતાવી નાણાંનો દુરૂપયોગ કર્યો હોવાની ફરિયાદ થતાં જ રાજકીય માહોલ ગરમાયો છે.
