Surat: જહાંગીરપુરામાંથી હાઈ-પ્રોફાઈલ કૂટણખાનું ઝડપાયું, થાઇલેન્ડની 13 યુવતીઓની પોલીસે અટકાયત કરી

સુરતના જહાંગીરપુરામાંથી હાઈ-પ્રોફાઈલ કૂટણખાનું ઝડપાયુ છે. હોટલની આડમાં ચાલતા આ કૂટણખાનામાંથી 5 ગ્રાહક, 4 સંચાલકની ધરપકડ કરવામાં આવી છે. 13 યુવતીઓને રેસ્ક્યુ કરાવવામાં આવી છે. તમામ યુવતીઓ થાઇલેન્ડની હોવાનું સામે આવ્યું છે. યુવતીઓ વિઝીટર વિઝા પર ભારત આવી હતી. યુવતીઓ પાસે દેહવ્યાપાર કરાવવામાં આવતો હતો. સંચાલકો દલાલ તરીકે કામ કરી પૈસા પડાવતા હતા. હોટલની આડમાં કૂટણખાનું ચાલવતા હતા.

જહાંગીરપુરામાંથી હાઈ-પ્રોફાઈલ કૂટણખાનું ઝડપાયુ

પોલીસને પાર્ક પેવેલિયન હોટેલમાં દેહવ્યાપાર કરાતો હોવાની બાતમી મળી હતી. પોલીસે આ મામલે બોગસ ગ્રાહક મોકલીને પહેલા તપાસ કરાઇ હતી. આ હોટેલમાં 5 હજાર સુધીની રકમ વસૂલ કરવામાં આવતી હતી. રેડ સમયે દરવાજા બંધ કરતા બળજબરીપૂર્વક એન્ટ્રી કરી હતી. પોલીસના AHTU સેલ દ્વારા કાર્યવાહી કરવામાં આવી છે. વોટ્સએપના દ્વારા સમગ્ર રેકેટ ચલાવવામાં આવતું હતું.

પોલીસે 9 આરોપીને ઝડપી લીધા 

આ દરોડામાં આરોપી રૂપેશ મિશ્રાએ જણાવ્યું કે આ રેકેટનો મુખ્ય આરોપી વિજય કસ્તુરે છે. જે આ બધાનું સંચાલન કરતો હતો. હોટલના ચોથા માળે આ સમગ્ર રેકેટ ચલાવવામાં આવતું હતું. પોલીસે આ મામલે એક્ટ 1956ની કલમ 3, 4, 5, 7 અને ભારતીય ન્યાય સંહિતા, 2023 ની કલમ 144(2) અને 54 હેઠળ ગુનો નોંધી કાર્યવાહી હાથ ધરી છે. પોલીસે 9 આરોપીને ઝડપી લીધા છે. 13 મહિલાઓને પૂછપરછ માટે પોલીસ સ્ટેશન લઈ જવામાં આવી છે.