Surat News: કાર ચાલકે બાઇક સવારને ટક્કર મારતા યુવકનું ઘટનાસ્થળે મોત

સુરતમાં સરથાણા જકાતનાકા વિસ્તારમાં અકસ્માતની ઘટના સામે આવી છે. જેમાં કારે બાઇકને ટક્કર મારી છે. આ ઘટનામાં બાઇક ચાલકનું ઘટનાસ્થળે મોત થયુ હતુ. અકસ્માતની ઘટના સીસીટીવીમાં કેદ થઇ છે. અતિથિ રેસ્ટોરન્ટ સામે હિટ એન્ડ રનની ઘટના બની હતી. પોલીસે સીસીટીવી ફુટેજના આધારે તપાસ શરુ કરી છે. પોલીસે કારચાલકને પકડવા માટે ચક્રો ગતિમાન કર્યા છે.

હિટ એન્ડ રનમાં એકનું મોત

સુરતમાં અકસ્માતની ઘટનાએ ચર્ચા જગાવી છે. જેમાં ઘટનાસ્થળે યુવકનું મોત થયુ છે. સુરતમાં સરથાણા જકાતનાકા વિસ્તારમાં હિટ એન્ડ રનનો બનાવ બન્યો છે. રસ્તા પર બાઇક સાથે ઉભેલા રત્નકલાકારને કાર ચાલકે અડફેટે લીધો હતો. ગંભીર ઇજાને કારણે રત્નકલાકાર યુવક રાજેશ ઉકાણીનું મોત નિપજ્યું છે. સરથાણા ખાતે આવેલા નિર્મળ નગરમાં મંડળના પૈસા ભરવા માટે આ યુવક જઇ રહ્યો હતો. પરંતુ તેમાં કાર ચાલક કાળ બનીને આવ્યો હતો. અને બાઇક સવારને અડફેટે લીધો હતો.

પોલીસ તપાસ શરુ

સુરતના સરથાણા પોલીસ દ્વારા હિટ એન્ડ રનનો ગુનો નોંધવામાં આવ્યો છે. અને કાર ચાલકને પકડવા માટે તપાસ શરૂ કરાઇ છે. યુવક રાજેશ ઉકાણીનું મોત થતા પરિવારમાં શોકનો માહોલ છે. તો આ તરફ, અકસ્માતના કેસ ઓછા કરવા માટે ટ્રાફિકના નિયમોની માહિતી અને ગતિ-મર્યાદા ખૂબ જરુરી છે. અકસ્માત કેસમાં કાયદા વધુ કડક બને તે હવે જરુરી બની રહ્યુ છે.