Surat : સાયબર ક્રાઈમના ગુનામાં ED ની મોટી કાર્યવાહી, આરોપી ડો.મકબૂલ રહમાન અને પરિવારની 3 મિલકતો જપ્ત

સુરતમાં મોટા સાયબર ક્રાઇમ કેસમાં એન્ફોર્સમેન્ટ ડિરેક્ટોરેટ (ED)એ મહત્વપૂર્ણ કાર્યવાહી હાથ ધરી છે. ED એ આરોપી ડો. મકબૂલ રહમાન અને તેમના પરિવારની કુલ 2.13 કરોડની ત્રણ મિલકતો જપ્ત કરી છે.

100 કરોડથી વધુના સાયબર ફ્રોડ

આ કેસની વિગતો 100 કરોડથી વધુના સાયબર ફ્રોડ સાથે જોડાયેલી હોવાનું સામે આવી રહ્યું છે. આ કેસમાં છેતરપિંડીના ઘણી મોડસ ઓપરંડી બહાર આવી છે

તપાસમાં ED એ ગંભીર મુદ્દાઓ ખુલાસા કર્યા

તપાસમાં ED એ ગંભીર મુદ્દાઓ ખુલાસા કર્યા છે જેમાં ડિજિટલ એરેસ્ટ નામે છેતરપિંડી, ફોરેક્સ ટ્રેડિંગમાં નાણાં ડબલ કરવાનો ખોટો વાયદો, ફેક નોટિસ અને કાનૂની ધમકીઓ મોકલી લોકો પાસેથી રૂપિયા પડાવવું, ભાડાના બેંક એકાઉન્ટ મારફતે મોટી રકમો ટ્રાન્સફર કરવી, આરોપીઓ લોકોથી રૂપિયા લઇ તેમને ડરાવી-ધમકાવી સાયબર ફ્રોડ કરતા હતા.

અગાઉ થયેલી ધરપકડો

આ કેસમાં અગાઉ મકબૂલ રહમાન અને કાશિફ ડૉક્ટર ની ધરપકડ થઈ ચૂકી છે. તાજેતરમાં મહેશ દેસાઈ અને ઓમ પંડ્યાની પણ પોલીસ દ્વારા ધરપકડ કરવામાં આવી છે.

EDની સતત કાર્યવાહી

ED દ્વારા મળી આવેલી મિલકતો અને બેંક ટ્રાન્ઝેક્શનના આધારે વધુ નેટવર્કની તપાસ ચાલુ છે. આ કેસ રાજ્યમાં ચાલી રહેલા સાયબર ક્રાઈમના મોટા રેકેટની ઝાંખી આપે છે.