સુરતના લિંબાયતમાં પતિ પત્નીના ઝઘડામાં વચ્ચે પડેલા સાળાનું મોત નિપજ્યું હોવાનો બનાવ સામે આવ્યો છે. પોલીસે મૃતક સાળાના મૃતદેહને પીએમ અર્થે ખસેડ્યો હતો. જેમાં મોતનું સાચુ કારણ રીપોર્ટ આવ્યા બાદ સામે આવશે. ત્યાર બાદ પોલીસ વધુ કાર્યવાહી હાથ ધરશે.
નીચે પટકાયો હતો અને અચાનક બેભાન થઈ ગયો
સુરતમા લિંબાયતના શિવાજી નગરમાં રહેતા સાબિર શેખની બહેન પ્રસૂતા માટે પિયર આવી હતી. ગઈકાલે સાબિરનો બનેવી આવ્યો હતો. તે પોતાના પુત્રને પોતાના ઘરે લઈ જવા માટે પત્ની સાથે બોલાચાલી કરતો હતો. બંને પતિ પત્નીના ઝઘડામાં સાબિર વચ્ચે છોડાવવા માટે ગયો હતો. આ દરમિયાન અકીલે સાબિરને ધક્કો મારતા તે નીચે પટકાયો હતો અને અચાનક બેભાન થઈ ગયો હતો.
