હાલ રાજ્યમાં મતદાર યાદી સુધારણા કાર્યક્રમ (SIR)ની કામગીરી ચાલી રહી છે. જે અંતર્ગત BLOની કામગીરી શિક્ષકોને સોંપવામાં આવી છે. જેમાં રાજ્યમાં ઘણા શહેરોમાં બીએલઓની કામગીરી દરમિયાન શિક્ષકોના મોત થયા છે. આ વચ્ચે સુરતમાં વધુ એક BLOનું મોત થતા શિક્ષણ વિભાગમાં ખળભળાટ મચી ગયો છે. આ મામલે સુરત ડેપ્યુટી કલેક્ટરનું નિવેદન સામે આવ્યું છે.
BLO ડિંકલનો વર્ક રિપોર્ટ ખૂબ સારો હતો
સુરતના ડેપ્યુટી કલેકટર નેહા સવાણીએ BLOના મોત મામલે નિવેદન આપતા જણાવ્યું હતું કે, BLO ડિંકલનો વર્ક રિપોર્ટ ખૂબ સારો હતો. ડિંકલ બાથરૂમમાં બેભાન અવસ્થામાં મળી આવ્યા હતા. હાલ પ્રાથમિક આશંકા અકસ્માત મોતની છે. ડિંકલે SIRની કામગીરી ખૂબ જ ઝડપથી કરી હતી. SIRની 45 ટકા કામગીરી તેઓ પૂરી કરી ચુક્યા છે.
