સુરતમાં ડુમસના દરિયા કિનારે પ્રતિબંધ હોવા છતાં લોકો કાર લઈને જતા હોય છે. પોલીસે જાહેરનામાનો ભંગ કરનાર કાર ચાલક સામે ગુનો દાખલ કર્યો છે. આ કાર ચાલક પ્રતિબંધ હોવા છતાં દરિયા કિનારે કાર લઈને ગયો હતો. કાર કાદવમાં ફસાયાનો વીડિયો વાયરલ થયો હતો. 36 કલાક બાદ જેસીબીથી કારને કાદવમાંથી બહાર કઢાઈ હતી. હવે વીમા કંપનીને જાણ કરી કારનો વીમો રદ્દ કરવામાં આવશે.


કાર માલિક સામે પોલીસે ગુનો દાખલ કર્યો

પ્રાપ્ત વિગતો પ્રમાણે સુરતમાં ડુમસના દરિયા કિનારે કાર લઈને જવા પર પ્રતિબંધ જાહેર કરાયો છે. તે છતાંય કેટલાક લોકો દરિયામાં કાર લઈને જતા હોય છે. એક કાર દરિયામાં કાદવમાં ફસાઈ ગઈ હોવાનો વીડિયો વાયરલ થયો હતો. ત્યાર બાદ 36 કલાકે જેસીબીની મદદથી કારને બહાર કાઢવામાં આવી હતી. આ ઘટનામાં પોલીસ પણ સક્રિય થઈ હતી અને કાર ચાલક સામે ગુનો દાખલ કર્યો હતો. પોલીસે ગાડીના માલિકની ધરપકડ પણ કરી હતી.

Also Read

વીડિયો વાયરલ થયા બાદ કાર્યવાહી કરવામાં આવી

આ અંગે પોલીસે જણાવ્યું હતું કે, ડુમસના દરિયા કિનારે ફસાયેલી કારનો વીડિયો વાયરલ થયા બાદ કાર્યવાહી કરવામાં આવી છે. વીમા કંપનીને જાણ કરીને કારનો વીમો કેન્સલ કરવામાં આવશે. આવા ઈસમો બીજી વાર આ પ્રકારની પ્રવૃત્તિ ના કરે તે માટે કડક કાર્યવાહી કરવામાં આવશે. ડુમસ બીચ પર પેટ્રોલિંગના અભાવના કારણે અવારનવાર આ પ્રકારના બનાવો સામે આવતા હોય છે.


  • Follow us on: