સુરત પોલીસ ટપોરીઓ સામે એકશન મોડમાં આવી છે, પાલ પોલીસની મિશન મિડનાઈટ હેઠળ કાર્યવાહી સામે આવી છે જેમાં પાલની ન્યુસન્સરૂપ ચાની ટપરીઓ અને ફૂડપાર્લર સામે કાર્યવાહી કરવામાં આવી છે, કેટલાક ટપરીઓને પોલીસે પકડી ઉઠક બેઠક કરાવી છે અને મળસ્કે સુધી કેટલાક ટપોરીઓ કિટલીઓ અને પાનના ગલ્લા ઉપર પડ્યા પાથર્યા રહે છે.
પાલ વિસ્તારમાં મોડી રાત સુધી કિટલીઓ ધમધમે છે
શહેરના પાલ વિસ્તારમાં ગૌરવપથ, ભાઠા રોડ વિસ્તારમાં આખી રાત ગેરકાયદે ધમતી ચા ની ટપરીઓ અને ફુડ પાર્લરના માલિકોને જાણે કોઇ નિયમ કે કાયદાને અનુસર્યા વિના બેરોકટોક ચલાવી રહ્યા છે. ત્યારે પાલ પોલીસે મિશન મિડનાઈટ હેઠળ ગત રાતે કાર્યવાહી હાથ ધરી હતી. જેમાં માલિકો સામે પોલીસે લાલ આંખ જ કરીને હળવી સજાના ભાગરૂપે ઉઠક બેઠક કરાવી હતી. છેલ્લા કેટલાક સમયથી પાલ વિસ્તારમાં બેરોકટોક ચા ની કીટલીઓ અને ફુડ પાર્લરો મળસ્કે સુધી ધમધમે છે.
