Vadodara: રાવપુરામાં 11 વર્ષની સગીરા પર કાકા અને તેના મિત્રએ દુષ્કર્મ આચર્યું

વડોદરામાં સંબંદોને સર્મસાર કરતો કિસ્સો સામે આવ્યો છે. આ ઘટનામાં કાકાએ તેની માસૂમ ભત્રીજીને હવસનો શિકાર બનાવી છે. આ ઘટનામાં કાકાના મિત્ર જોઈ જતા તેણે પણ ગેરલાભ ઉઠાવી બાળકી સાથે દુષ્કર્મ આચર્યું હતું. આ અંગે પોલીસમાં ફરિયાદ નોંધાતા પોલીસે ગંભીરતાને ધ્યાને લઈને તાત્કાલિક આરોપીઓની ધરપકડ કરી કાયદેસરની કાર્યવાહી હાથ ધરી છે.

 બાળકીએ આ ઘટનાની પરિવારને જાણ કરી 

આ ઘટના બાદ સગીરાને કોઈને ન કહેવાની ધમકી આપી હતી. ડરી ગયેલી બાળકીએ આ ઘટનાની પરિવારને જાણ કરી હતી. આ ઘટનાની પરિવારને જાણ થતા પગ તળેથી જમીન સરકી ગઈ હતી. પરિવારે રાવપુરા પોલીસ મથકે ફરિયાદ નોંધાવી હતી. પોલીસે ફરિયાદના આધારે આરોપીઓને દબોચી લીધા હતા. આ આરોપીઓ સામે અગાઉ પ્રોહિબિશનના ગુનાઓ નોંધાય ચૂક્યા છે. પોલીસે પુરાવા એકઠા કરવાની કાર્યવાહી હાથ ધરી છે.