Vadodara News: ડ્રગ્સના ગુનામાં ફરાર આરોપીને પકડવા પોલીસે ડ્રોન ઉડાડ્યુ, આખરે ઝડપાઈ ગયો

ગુજરાતમાં ડ્રગ્સની હેરાફેરીના કિસ્સા વધી રહ્યાં છે. વિદેશી દારૂના વેપારની જેમ હવે ડ્રગ્સનો વેપાર થઈ રહ્યો છે. ત્યારે વડોદરામાં ડ્રગ્સના આરોપીને પકડવા માટે પોલીસે ડ્રોન ઉડાડવું પડ્યું હતું. પોલીસની પકડથી ભાગવા જતા આરોપી પકડાઈ ગયો હતો.

આરોપીએ ભરૂચના સાદિક પાસેથી ડ્રગ્સ મંગાવ્યું હતું

પ્રાપ્ત વિગતો પ્રમાણે વડોદરામાં 24 જુલાઈએ સાગર મિસ્ત્રીએ ભરૂચના સાદિક પાસેથી 9 લાખનુ એમડી ડ્રગ્સ મંગાવ્યું હતુ. પોલીસે તે સમયે સાદિક શેખને ઝડપી પાડી સાગર મિસ્ત્રીને વોન્ટેડ જાહેર કર્યો હતો. પોલીસને આજે સાગર મિસ્ત્રી તેના કાકાને ત્યાં જશે તેવી બાતમી મળી હતી. આ બાતમીને આધારો પોલીસે તેને પકડવા માટે વોચ ગોઠવી હતી.

આરોપી સાગર મિસ્ત્રી ડ્રોનની મદદથી ઝડપાયો

આરોપી સાગર પોલીસ પકડવા તૈયાર છે તેવું જાણી જતાં તે ઓપી રોડના ગરબાના મેદાનમાં ભાગી ગયો હતો. આ વિસ્તારમાં ઝાડી જાંખરા હોવાથી તે કોઈ ઝાડીની અંદર સંતાઈ ગયો હતો. પોલીસ તેને પકડવા માટે પ્રયાસો કરી રહી હતી. પોલીસે ડ્રગ્સના આરોપીને પકડવા માટે ડ્રોનનો ઉપયોગ કર્યો હતો. પોલીસે ડ્રોન ઉડાડ્યું હતું અને આરોપીની શોધખોળ શરૂ કરી હતી. આ દરમિયાન એક ઝાડી ઝાંખરામાંથી આરોપી સાગર ભાગવાની તૈયારી કરતો હતો ત્યાં જ પોલીસે તેને દબોચી લીધો હતો.