દેવભૂમિ દ્વારકા જિલ્લાના જામખંભાળિયા ખાતે પોલીસે કાયદાનું ઉલ્લંઘન કરીને જોખમી સ્ટંટ કરનારા યુવકો વિરુદ્ધ કડક કાર્યવાહી હાથ ધરી છે. થોડા દિવસો પહેલા કેટલાક યુવકોએ જામખંભાળિયા-દ્વારકા નેશનલ હાઇવે પર બાઇક પર જોખમી સ્ટંટ કર્યા હતા. જેનો વીડિયો સોશિયલ મીડિયા પર વાયરલ થયો હતો. જામખંભાળિયા-દ્વારકા નેશનલ હાઇવે પર યુવકોએ બાઇક પર જીવ જોખમમાં મૂકીને અને અન્ય વાહનચાલકોના જીવને પણ જોખમમાં મૂકનારા સ્ટંટ કર્યા હતા.
જીવ જોખમમાં મૂકી સ્ટંટ કરતો વિડિયો વાઇરલ થયો હતો
આ પ્રકારના સ્ટંટ જાહેર માર્ગો પર ગંભીર અકસ્માત સર્જી શકે છે. જેના કારણે અન્ય મુસાફરોની સુરક્ષા પણ જોખમાય છે. આ સ્ટંટનો વીડિયો સોશિયલ મીડિયા પર ઝડપથી વાયરલ થયો હતો. વાયરલ વીડિયોના આધારે જામખંભાળિયા પોલીસે તાત્કાલિક કાર્યવાહી હાથ ધરી હતી અને સ્ટંટ કરનારા યુવકોની ઓળખ કરીને તેમને પકડી પાડ્યા હતા. પોલીસે આ યુવકોને તેમની ભૂલનો અહેસાસ કરાવ્યો હતો અને કાયદાનો પાઠ ભણાવ્યો હતો.
