Gandhidhamમાં તહેવારના પગલે પૂર્વ કચ્છ પોલીસનું ફૂટ માર્ચ

ગાંધીધામ ખાતે આવનારા તહેવારોને ધ્યાનમાં રાખીને પૂર્વ કચ્છ પોલીસે કાયદો અને વ્યવસ્થા જાળવવાના ભાગરૂપે વિવિધ વિસ્તારોમાં ફૂટ માર્ચનું આયોજન કર્યું હતું. બજારોમાં અને જાહેર સ્થળોએ કોઈ અનિચ્છનીય બનાવ ન બને તે માટેની તકેદારીના ભાગરૂપે આ કવાયત હાથ ધરવામાં આવી હતી.

સંવેદનશીલ વિસ્તારોમાં ફૂટ પેટ્રોલિંગ

આ ફૂટ માર્ચમાં ગાંધીધામ એ-ડિવિઝન, બી-ડિવિઝન અને આદિપુર પોલીસ સ્ટેશનના પોલીસકર્મીઓ અને અધિકારીઓ જોડાયા હતા. પોલીસ દ્વારા શહેરના મુખ્ય બજારો, ભીડવાળા વિસ્તારો અને સંવેદનશીલ ગણાતા વિસ્તારોમાં ચાલીને પેટ્રોલિંગ કરવામાં આવ્યું હતું.

અસામાજિક તત્વોને કાયદાનો ડર દર્શાવવાનો ઉદ્દેશ્ય 

ફૂટ માર્ચનો મુખ્ય ઉદ્દેશ્ય તહેવારોના માહોલમાં લોકોમાં સુરક્ષાની ભાવના મજબૂત કરવાનો અને અસામાજિક તત્વોને કાયદાનો ડર દર્શાવવાનો છે. પોલીસની આ હાજરીથી જાહેર સલામતી જળવાઈ રહે અને લોકો શાંતિપૂર્ણ રીતે તહેવારોની ઉજવણી કરી શકે તે સુનિશ્ચિત કરવામાં આવ્યું હતું. પૂર્વ કચ્છ પોલીસ દ્વારા તહેવારો દરમિયાન જાહેર સુલેહ-શાંતિ જાળવવા માટે આ પ્રકારની સતત કવાયતો કરવામાં આવી રહી છે.