Dakor : રાજા રણછોડરાયજીના મંદિરે આજે સવારથી જ ભક્તોની ભારે ભીડ, કાળીયા ઠાકોરના દર્શન કરી અનુભવી ધન્યતા

આજે નૂતન વર્ષના પ્રારંભે ડાકોરમાં રણછોડરાયજીના દર્શન માટે ભક્તોની ભારે ભીડ જોવા મળી રહી છે. આજે નૂતન વર્ષે હજારો લોકોએ કાળીયા ઠાકોરના દર્શન કર્યા હતા

 રાજા રણછોડરાયજીના મંદિરે આજે સવારથી જ ભક્તોની ભારે ભીડ

બેસતા વર્ષે દેવ મંદિરમાં જઇને ભગવાનના આશિર્વાદ લેવાની પરંપરા છે અને ડાકોરમાં રાજા રણછોડરાયજીના મંદિરે આજે સવારથી જ ભક્તોની ભારે ભીડ જોવા મળી રહી છે. રાજ્યભરમાંથી લોકો દર્શન માટે ઉમટ્યા છે અને કાળીયા ઠાકોરના દર્શન કરી ધન્યતા અનુભવી રહ્યા છે.

કાળીયા ઠાકોર શ્વેત વસ્ત્રોમાં સજ્જ

કાળીયા ઠાકોર શ્વેત વસ્ત્રોમાં સાજ શણગાર સાથે સજ્જ થઈ ભક્તોને સવારથી જ દર્શન આપી રહ્યા છે. હજારો ભક્તોએ કાળીયા ઠાકોરના દર્શન અને આશીર્વાદ સાથે કરી નવ વર્ષની શુભ શરૂઆત છે.

ખૂણે ખૂણેથી તેમજ દેશ વિદેશથી ભક્તો ભગવાનના દર્શનાર્થે આવ્યા

ગુજરાતના ખૂણે ખૂણેથી તેમજ દેશ વિદેશથી ભક્તો ભગવાનના દર્શનાર્થે આવ્યા છે. હાથમાં લડ્ડુ ગોપાલને લઈ ને દૂર દૂરથી ભક્તો દર્શને આવ્યા છે. આ તબક્કે સનાતન ધર્મની આ પરંપરા જાળવી રાખવા ભક્તોએ સૌને અપીલ કરી હતી.