જામનગરમાં કાયદો અને વ્યવસ્થાની સ્થિતિ પર સવાલ ઉઠાવતી એક ગંભીર ઘટના સામે આવી છે. જેમાં સિક્યોરિટી સર્વિસના માલિક અને સુપરવાઈઝર પર છ લોકોના જૂથે જીવલેણ હુમલો કર્યો હતો. આ સમગ્ર ઘટનાનો વિડીયો વાયરલ થયો છે. જેના કારણે ભારે ચકચાર મચી ગઈ હતી. આ ઘટના જામનગરના દરેડ જી.આઈ.ડી.સી. વિસ્તારમાં બની હતી. સિક્યોરિટી એજન્સીના સુપરવાઈઝર સંજીવકુમાર સાથે કેટલાક લોકોએ ગાળાગાળી કરીને ઝઘડો શરૂ કર્યો હતો.


સિક્યોરિટી સર્વિસના માલિક અને સુપરવાઇઝર પર 6 લોકોનો હુમલો

Also Read

આ સમગ્ર ઘટનાની જાણ થતાં સિક્યોરિટી સર્વિસના માલિક હરદેવસિંહ વાળા ત્યાં પહોંચ્યા હતા અને હુમલાખોરોને પૂછવાનો પ્રયાસ કર્યો હતો. ત્યારબાદ સ્થિતિ વધુ બગડી હતી. બે મહિલા સહિત કુલ છ લોકોના જૂથે હરદેવસિંહ વાળા અને સુપરવાઈઝર સંજીવકુમાર પર લોખંડની પાઈપ વડે હુમલો કર્યો હતો. આ હુમલામાં બંનેને ગંભીર ઈજાઓ પહોંચી હતી. તેમને તાત્કાલિક સારવાર માટે જામનગરની સરકારી જી.જી. હોસ્પિટલમાં ખસેડવામાં આવ્યા હતા.

ઇજાગ્રસ્તોને સારવાર અર્થે હોસ્પિટલમાં ખસેડાયા

આ સમગ્ર ઘટનાનો વિડીયો કોઈએ પોતાના મોબાઈલ ફોનમાં ઉતારી લીધો હતો અને તે સોશિયલ મીડિયા પર વાયરલ થયો હતો. વીડિયોમાં હુમલાખોરો બેફામ રીતે માર મારતા સ્પષ્ટ જોવા મળ્યા હતા. આ ઘટનાની જાણ થતાં જ પંચકોષી-બી ડિવિઝન પોલીસ તાત્કાલિક ઘટનાસ્થળે પહોંચી હતી. પોલીસે બે મહિલા સહિત છ આરોપીઓ વિરુદ્ધ ગુનો નોંધીને કાયદેસરની કાર્યવાહી હાથ ધરી હતી.


  • Follow us on: