ગુજરાતમાં લાંચિયા અધિકારીઓને ઝડપી પાડવા માટે લાંચ રૂશ્વત બ્યુરો સક્રિય છે. રાજ્યમાં છાશવારે લાંચ માગતા અધિકારીઓ ACBના હાથે ઝડપાય છે. ત્યારે કસ્ટમ વિભાગનો કર્મચારી ACBના હાથે લાંચ લેતા ઝડપાયો છે. ACBએ વર્ગ-3ના કર્મચારી જીગ્નેશ કેશવને 9850 રૂપિયાની લાંચ લેતા ઝડપી પાડ્યો છે. આરોપીએ કંડલા પોર્ટના ગેટથી ટ્રકને બહાર કાઢવા લાંચ લીધી હતી.


એક ટ્રકને ગેટ પરથી બહાર કાઢવા 50 રૂપિયા લેખે લાંચ માગી

પ્રાપ્ત વિગતો પ્રમાણે કંડલા કસ્ટમ વિભાગમાં હેડ હવાલદાર તરીકે ફરજ બજાવતો જિજ્ઞેશ કેશવે કંડલા પોર્ટના ગેટથી ટ્રકને બહાર કાઢવા લાંચ માગી હતી.કંડલા પોર્ટમા આવતા જતા માલ સામાનને કસ્ટમ ક્લીયરન્સ કરાવી કંટલા પોર્ટ પરથી માલ ટ્રકો મારફતે માલની અવરજવર થતી હોય છે. ફરિયાદી પોર્ટ પર ઓપરેશન ઈન્ચાર્જ તરીકે આ કામ સંભાળતા હોવાથી પોર્ટના ગેટ પરના કર્મચારી જિજ્ઞેશ કેશવે ફરિયાદીની કંપનીના એક ટ્રકને ગેટ પરથી બહાર કાઢવા 50 રૂપિયા લેખે લાંચ માગી હતી.

Also Read

કૂલ 197 ટ્રકની ટ્રીપ પેટે 9850ની આરોપી અધિકારીએ માંગણી કરી

બે મહિનામાં ફરિયાદીના કૂલ 197 ટ્રકની ટ્રીપ પેટે 9850ની આરોપી અધિકારીએ માંગણી કરી હતી. આ લાંચના નાણા ફરિયાદી આપવા નહીં માગતા હોવાથી તેમણે ગાંધીધામ એસીબીનો સંપર્ક કર્યો હતો. ત્યારબાદ એસીબીએ અધિકારીને રંગેહાથ લાંચ લેતા ઝડપી પાડવા છટકુ ગોઠવ્યું હતું. આરોપીએ ફરિયાદી સાથે વાતચીત કરીને 9850 રૂપિયાની લાંચની માંગણી કરી તે સ્વીકારતા એસીબીએ તેને રંગેહાથે ઝડપી લીધો હતો. આરોપી અધિકારીની ધરપકડ કરી વધુ કાર્યવાહી હાથ ધરવામાં આવી છે.


  • Follow us on: