Kachchh News: અબડાસાના દરિયા કિનારે ત્રણ કન્ટેનર તણાઈને આવ્યા, ગેસ કે કેમિકલ હોવાનું અનુમાન

ગુજરાતના દરિયા કિનારે થોડા સમયથી કન્ટેનર તણાઈને આવ્યા હોવાની અનેક ઘટનાઓ સામે આવી છે. તાજેતરમાં ભરૂચ જિલ્લાના કતપોર ગામના દરિયા કિનારે એક મોટું કન્ટેનર તણાઈને આવ્યું હતું. કિનારે કન્ટેનર દેખાતા લોકોએ પોલીસને જાણ કરી હતી. હવે કચ્છના દરિયા કિનારે 3 કન્ટેનર તણાઇને આવ્યા હોવાની વિગતો પ્રાપ્ત થઈ છે. કોસ્ટગાર્ડ અને પોલીસે કન્ટેનર બાબતે તપાસ શરૂ કરી છે.

કન્ટેનરમાં ગેસ કે કેમિકલ હોવાનું અનુમાન

પ્રાપ્ત વિગતો પ્રમાણે કચ્છના અબડાસામાં સૈયદ સુલેમાનપીર અને સુથરીના દરિયા કિનારે ત્રણ ટેન્કર તણાઈને આવ્યા હોવાની જાણકારી પ્રાપ્ત થઈ છે. આ કન્ટેનરમાં ગેસ કે કેમિકલ હોવાનું અનુમાન લગાવાઈ રહ્યું છે. સમગ્ર બાબતની જાણ કોસ્ટગાર્ડ અને પોલીસને કરવામાં આવી હતી. જેથી પોલીસ અને કોસ્ટગાર્ડે ઘટના સ્થળે પહોંચીને વધુ તપાસ હાથ ધરી છે.

લોકોએ કોસ્ટગાર્ડ અને પોલીસને જાણ કરી

ગુજરાતમાં સૌરાષ્ટ્ર કચ્છ અને દક્ષિણ ગુજરાતના દરિયા કિનારે કન્ટેનર તણાઈને આવ્યા હોવાની કેટલીક ઘટનાઓ પ્રકાશમાં આવી હતી. પોલીસ સહિતની એજન્સીઓ દ્વારા આ કન્ટેનરની તપાસ હાથ ધરાઈ હતી. પરંતુ હવે કચ્છના દરિયા કિનારે કન્ટેનર તણાઈને આવતા લોકોએ કોસ્ટગાર્ડ અને પોલીસને જાણ કરી હતી. આ કન્ટેનર ક્યાંનાં છે તેની પણ તપાસ હાથ ધરાઈ છે. પ્રાથમિક દ્રષ્ટિએ આ કન્ટેનરમાં ગેસ કે કેમિકલ હોવાનું માલુમ પડ્યું છે.