Mahisagarમાં આડદરી ધોધમાં બે કિશોર ડૂબ્યા, ફાયર ટીમે એકનો મૃતદેહ બહાર કાઢ્યો

મહીસાગરમાં ધોધમાં ડૂબવાથી એકનું મોત થયાની ઘટના સામે આવી છે. મહિસાગરના આડદરી ધોધમાં બે કિશોર ડૂબ્યા હતા. પ્રિન્સ કુમાર અને સુનીલ ડામોર નામના કિશોર ડૂબ્યા હતા. લુણાવાડા ફાયર ટીમે એકનો મૃતદેહ બહાર કાઢ્યો છે. આ ઘટનાની સ્થાનિક લોકોને જાણ થતા લોકો ઘટના સ્થળે દોડી આવ્યા હતા.

મહીસાગરમાં ધોધમાં બે કિશોર ડૂબ્યા

મહીસાગર જિલ્લાના આડદરી ધોધમાં બે કિશોર ડૂબ્યાની ઘટના સામે આવી છે. મૂળ રાજસ્થાનના બે કિશોરની બાઇક ધોધની પાસે મળી આવી છે. રાજસ્થાનના યુવકોની બાઈક ધોધની બહાર મળી આવતા બંનેની શોધખોળ હાથ ધરવામાં આવી રહી છે. લુણાવાડા નગરપાલિકાની ફાયર ટીમ દ્વારા શોધખોળ કરવામાં આવી રહી છે.

ફાયર ટીમને એક કિશોરનો મૃતદેહ મળી આવ્યો

આડદરી ધોધમાં બે કિશોર ડૂબ્યાની ઘટનામાં લુણાવાડા નગરપાલિકાની ફાયર ટીમને એક કિશોરનો મૃતદેહ મળી આવ્યો છે. જ્યારે અન્યની શોધખોળ હાથ ધરવામાં આવી રહી છે. પ્રિન્સ કુમાર અને સુનીલ ડામોર નામના બે કિશોર ડૂબ્યા હોવાની ઘટના બની છે.