અમદાવાદમાં હિન્દુ યુવતી અને મુસ્લિમ યુવકના લગ્ન મુદ્દે વિશ્વ હિન્દુ પરિષદ (VHP) દ્વારા ઉગ્ર વિરોધ પ્રદર્શન કરવામાં આવ્યું છે. દહેગામની યુવતી અને કઠવાડાના યુવકે ૩ મહિના અગાઉ લગ્ન માટે અરજી કરી હતી, જેની નોંધણી પ્રક્રિયા માટે તેઓ જ્યારે કોર્ટ/રજિસ્ટ્રાર કચેરીએ પહોંચ્યા ત્યારે મામલો ગરમાયો હતો. VHP નેતા જ્વલિત મહેતાએ આ મામલે રજિસ્ટ્રારની ભૂમિકા અને યુવતીના પ્રવેશની પદ્ધતિ પર ગંભીર સવાલો ઉઠાવ્યા છે.
VHP નેતા જ્વલિત મહેતાના રજિસ્ટાર પર આક્ષેપ
વિશ્વ હિન્દુ પરિષદના નેતા જ્વલિત મહેતાએ આ ઘટનામાં ગંભીર આક્ષેપો કર્યા છે કે રજિસ્ટ્રાર મુસ્લિમ હોવાથી તેઓ આ લગ્ન પ્રક્રિયામાં પક્ષપાતી વલણ ધરાવે છે અને નિયમોનું ઉલ્લંઘન કરી રહ્યા છે. યુવતીને ઓળખ છુપાવવા અથવા ગુપ્ત રીતે લાવવા માટે વકીલનો યુનિફોર્મ (નકલી વકીલ) પહેરાવીને કોર્ટ પરિસરમાં પ્રવેશ કરાવવામાં આવ્યો હતો. આ સુરક્ષા અને કાયદાકીય પ્રક્રિયા સાથે ચેડાં હોવાનો દાવો કરાયો છે. નકલી વકીલ બનીને આવનાર યુવતી અને તેને મદદ કરનારાઓ સામે કડક પોલીસ કાર્યવાહી કરવાની માંગ કરવામાં આવી છે.
