આધુનિક યુગમાં પણ અંધશ્રદ્ધાના મૂળ કેટલા ઊંડા છે તેનો પુરાવો અમદાવાદના બાપુનગર વિસ્તારમાં જોવા મળ્યો છે. અહીં એક શખ્સે પોતાની માનતા પૂરી કરવાના બહાને અબોલ પશુની ક્રૂરતાપૂર્વક બલિ ચઢાવતા સમગ્ર વિસ્તારમાં ચર્ચા અને વિવાદ જાગ્યો છે. આ મામલે પોલીસ ફરિયાદ નોંધાતા તંત્ર પણ હરકતમાં આવ્યું છે.
શું હતી સમગ્ર ઘટના?
મળતી માહિતી પ્રમાણે બાપુનગર વિસ્તારમાં રહેતા એક શખ્સે પોતાની કોઈ ધાર્મિક માનતા પૂરી થઈ હોવાનું માનીને, તેના ઘરની અંદર જ એક પશુની બલિ આપવાનું કૃત્ય કર્યું હતું. આ કૃત્ય અત્યંત ગુપ્ત રીતે કરવામાં આવ્યું હતું, પરંતુ આ બાબતની જાણ આસપાસના લોકોને થતા મામલો ગરમાયો હતો. પશુ ક્રૂરતાના આ કિસ્સાને લઈને જીવદયા પ્રેમીઓમાં રોષ ફેલાયો હતો.
