ગુજરાત પોલીસ વિભાગમાં છેલ્લા બે દિવસથી પગારમાં વિલંબ થવાની જે ચર્ચાઓ ચાલતી હતી, તેનો સુખદ અંત આવ્યો છે.અગાઉ એવી આશંકા હતી કે ગ્રાન્ટના અભાવે આ મહિને પોલીસ કર્મચારીઓને પગાર કરવામાં મોડું થઇ શકે છે. પરંતુ વહીવટી તંત્રની ત્વરિત કામગીરીને કારણે નિર્ધારિત સમયે તમામ કર્મચારીઓના પગાર કરી દેવામાં આવ્યા છે.
પત્રને કારણે સર્જાઇ હતી ચિંતા
થોડા સમય પહેલા એક સત્તાવાર પત્ર જાહેર કરવામાં આવ્યો હતો. જેમાં જણાવાયું હતુ કે પૂરતી ગ્રાન્ટના અભાવે પોલીસ કર્મચારીઓના પગારમાં વિલંબ થઇ શકે છે. આ સામાચાર વાયુવેગે પ્રસરાતા હજારો પોલીસ પરિવારોમાં ચિંતાનું મોજું ફરી વળ્યું હતુ. ખાસ કરીને નીચલા સ્તરના કર્મચારીઓ માટે જયારે મહિનાની શરૂઆતમાં જ પગાર ન આવવો એ આર્થિક મુશ્કેલીનું કારણ બની શકે તેમ હતુ.
